26
Rawiri nɨawarieya.
1 Yawé, heitseriemekɨ ketineuyuri nehetsiemieme,
ne 'aixɨa nepɨtiuyeika,
Yawé, 'ahetsie nepɨtiwiya nekahekawaɨtsetɨ.
2 Yawé, keneneutixeiyaxɨa keneneuta'inɨata,
netaɨta keneneu'iti meta ne'iyaritsie.
3 Waɨkawamekɨ kepemɨtiyukanaki'erie yanepɨre'eriwa,
meta yuri pemainetsie xeikɨa nepuyeika.
4 Ne memɨte'itawa nepɨkawatemawie,
meta kwamanarikakɨ memɨtekuxata wahamatɨa nepɨka'uyeika,
5 'axamemɨte'u'iyari wahamatɨa nemuyeikani nepɨxani'erie,
'aixɨa memɨkate'u'iyari wahamatɨa nepɨkayuxewi.
6 Neheu'itiyatɨkaitɨ meta nehetsie karahɨiwakaku,
Yawé, 'amawari taiyame warita nepayeika,
7 karima 'anɨawari ne'utakwitɨ,
meta naime mamariwawemekɨ kepemɨtiyuriene.
8 Yawé, ne 'atuki waɨkawa nepɨnaki'erie,
hakewa mematsiɨkɨ witsikepemɨ'anekɨ.
9 Kepauka nemɨmɨni,
'axateyuruwamete meta teyumiekate wahamatɨa pepɨkanetsi'inɨatani,
10 teɨteri tumini memumana
'itarikakɨ me'e'iwaka wahamatɨa.
11 Ne matsi 'aixɨa nepɨtiuyeika nehetsie pɨkarahɨiwa,
keneneɨxɨna kenenenenimayaka.
12 'Ena kwiepa 'anepuwe,