113
1 Yawé kenɨawarieka.
Yawé te'uximayatsiriwamete,
xekenenɨawani Yawé Kakaɨyari.
2 Yawé hepaɨtsita 'aixɨa keraniuwani,
hikɨ mɨtiyehane meta yuheyemekɨ.
3 Yawé kenɨawarieka,
tau 'amɨranatinenitsie meta kepaukake makayune.
4 Yawé naitsarie nuiwarite wahetsie katini'aitani,
muyuawitsie katini'aitani.
5 Xewitɨ Yawé takakaɨyari hepaɨ pɨka'ane,
'uweni hexeiyatɨ muyuawitsie
6 mɨkɨ mana paitɨ muyuawi meta kwie pɨtaxeiya tixaɨtɨ karayuyeitɨatɨ.
7 Mɨkɨ tixaɨtɨ mɨkarexeiya tumuanaripa kanatihanani,
meta xatsi matiwiwiwatsie patihana mɨreuyehɨwa,
8 te'aitamete memɨmamariwawe wa'aurie kaniwarayayatsani,
teɨterimama tewa'aitɨwamete wa'aurie.
9 'Uka mɨkaniwewe, yukii mexeiyanikɨ kanipitɨaka
meta tɨɨri mɨwarayexeiyakɨ.