Mwen te di: “Mwen te wè e vwala, yon chandelye ki fèt nèt an lò, avèk bòl li sou tèt li, ak sèt lanp li yo. Gen sèt bobèch pou chak lanp ki sou li yo.[c] 3 Anplis, gen [d]de bwa doliv yo sou kote li, youn sou kote dwat bòl la, e lòt la sou kote goch la.”

4 Mwen te di a zanj ki t ap pale avè m nan. Mwen te di: “Kisa sa yo ye [e]mèt mwen?”

5 Konsa, zanj ki t ap pale avè m nan te reponn. Li te di m: “Èske ou pa konnen kisa sa yo ye?”

Mwen te reponn: “Non, mèt mwen.”[f]

6 Epi li te di m: “Sa se pawòl SENYÈ a Zorobabel la ki di: [g]‘Se pa pa lafòs, ni pa pwisans, men pa [h]Lespri Mwen,’ pale SENYÈ dèzame yo. 7 ‘Se kilès ou ye, O gran montay la? Devan Zorobabel, ou va vin tounen tè pla. Konsa, li va fè vin parèt ak wòch prensipal la, ak gwo kri k ap di: “Gras, gras a li!” ’ ”

8 Anplis, pawòl SENYÈ a te vin kote mwen. Li te di: 9 “Men a Zorobabel te poze fondasyon kay sa. Se men l k ap fin fè l. Konsa, ou va konnen ke se SENYÈ dèzame yo ki te voye mwen kote ou. 10 Paske se kilès ki te meprize jou a ti bagay yo? Men sèt sila yo va rejwi lè yo wè liy a plòn an nan men Zorobabel. Sa yo se [i]zye SENYÈ a k ap [j]veye toupatou sou tout tè a.”

11 Mwen te di li: “Se kisa [k]de bwa doliv sila yo ki sou kote dwat ak sou kote goch a chandelye yo ye?”

12 Mwen te mande l yon dezyèm fwa. Mwen te di li: “Se kisa de branch doliv sila yo ki sou kote de tij an lò k ap vide lwil an lò k ap soti nan yo a?”

13 Li te reponn mwen, e te di: “Èske ou pa konnen kisa yo ye?” Mwen te di: “Non mèt mwen.” 14 Li te di: “Sa yo se de moun [l]onksyone yo ki kanpe akote Mèt a tout tè a.”

<- Zacharie 3Zacharie 5 ->