1 O SENYÈ, Bondye a [a] vanjans lan,

Bondye a vanjans lan, kite limyè vin parèt!

2 Vin leve, O [b] Jij sou tè a.

Bay rekonpans a moun ògeye yo.

3 Pou konbyen de tan mechan yo, O SENYÈ,

pou konbyen de tan [c] mechan yo va leve tèt yo wo?

4 Yo vide pawòl yo, yo pale avèk ògèy.

Tout moun ki fè mechanste yo [d] vante tèt yo.

5 Yo kraze pèp Ou a, O SENYÈ.

[e]Yo aflije eritaj Ou a.

6 Yo [f] touye vèv yo avèk etranje a.

Yo asasine òfelen yo.

7 [g] Yo fin di: “SENYÈ a pa wè, ni Bondye

Jacob la p ap okipe sa a.”

8 Veye sa a, nou menm ki [h] ensansib pami pèp la;

Kilè n ap konprann, nou menm ki bèt?

9 Sila ki [i] plante zòrèy la, èske Li pa tande?

Sila ke te fòme zye a, èske Li pa wè.

10 Sila ki fè chatiman nasyon yo,

èske Li p ap fè repwòch?

Sila ki [j]enstwi lòm; Li konnen!

11 SENYÈ a [k] konnen panse a lòm,

ke se sèlman yon souf ke yo ye.

12 Beni se nonm ke Ou bay chatiman an,

O SENYÈ,

ke Ou [l] enstwi nan lalwa Ou a,

13 pou Ou kapab bay li sekou nan [m]jou advèsite yo,

jiskaske yon fòs fin fouye pou mechan yo.

14 Paske SENYÈ a p ap abandone pèp Li a,

ni Li p ap [n] lage pèp eritaj Li a.

15 Paske [o] jijman an va devni dwat ankò e

tout pèp ladwati yo va swiv li.

16 Se kilès ki va [p] kanpe pou mwen kont malfektè yo?

Se kilès ki va pran pozisyon li pou mwen kont sila ki fè mechanste yo?

17 Si [q] SENYÈ a pa t sekou mwen,

nanm mwen ta fin abite nan andwa silans lan.

18 Si mwen ta di: [r] “Pye m glise,”

Lanmou dous Ou a, O SENYÈ, va kenbe m.

19 Lè panse twoub mwen yo vin ogmante anndan m,

[s] konsolasyon Ou yo fè kè m kontan.

20 Èske yon [t] twòn mechan kapab fè amitye avèk Ou?

Yon moun ki imajine fè mal pa dekrè?

21 Yo vin reyini ansanm kont lavi moun dwat yo,

e [u] kondane inosan yo a lanmò.

22 Men SENYÈ a se toujou sitadèl mwen e

Bondye mwen an, [v]wòch ki pwoteje mwen an.

23 Li te fè mechanste pa yo retounen sou yo, e

va [w] koupe retire yo nèt nan mechanste pa yo.

SENYÈ nou an va koupe retire yo.

<- Sòm Yo 93Sòm Yo 95 ->