7
Yon Sòm David, ke li te chante a SENYÈ a pou yon moun tribi Benjamin ki te rele Cush.
1 O SENYÈ Bondye mwen an, [a]nan Ou mwen kache.
Sove mwen de tout sila k ap kouri dèyè m yo e fè m sekou,
2 sof ke li ta chire nanm mwen [b]tankou yon lyon,
epi rale m akote pandan pa gen moun pou delivre m.
3 O SENYÈ mwen, si mwen menm te fè sa,
si gen [c]enjistis nan men m,
4 si mwen te rekonpanse mal a zanmi mwen,
oswa te [d]piyaje sila ki te lènmi mwen a san koz la,
5 kite lènmi an kouri dèyè nanm mwen
jiskaske li pran l,
epi kite li foule lavi mwen jis atè.
Fè glwa mwen kouche nèt nan pousyè a.
Tan
6 Leve, O SENYÈ, nan kòlè Ou;
leve Ou menm kont [e]raj ladvèsè mwen yo.
Leve Ou menm pou mwen;
Ou menm ki te etabli jijman an.
7 Kite asanble [f] a tout pèp yo antoure Ou.
Gouvènen yo, depi an wo.
8 Se SENYÈ a ki jije pèp yo.
[g]Fè m jistis O SENYÈ,
selon ladwati mwen ak jan mwen kanpe fèm.
9 Alò, mete fen a mechanste malfektè yo,
men etabli sila ki dwat yo.
Paske se ladwati Bondye ki [h]fè prèv
nan kè avèk panse moun.
10 Boukliye mwen se avèk Bondye,
ki [i]sove sila ki dwat yo.
11 Bondye se yon jij ki jis
e ki [j] rayi enjistis chak jou.
12 Si yon nonm pa repanti, La p [k]file nepe Li.
Li deja koube banza Li; Li prèt.
13 Anplis, Li fin prepare pou kont Li zam mòtèl yo.
Li fè flèch ak shaf ki brile yo.
14 Gade byen, l ap lite nan mechanste.
Wi, li plante jèm mechanste a,
epi li [l]vin bay nesans a tout sa ki fo.
15 Li te fouye yon twou, kreve l nèt,
e vin [m]tonbe nan twou ke li te fè a.
16 [n]Mechanste li va retounen sou pwòp tèt li,
e vyolans pa l ap desann sou pwòp fwon li.
17 Mwen va bay remèsiman a SENYÈ a [o]selon ladwati Li.