1 Pa twouble tèt ou akoz mechan yo. Pa vin [a]pote lanvi pou malfektè yo.

2 Paske yo va [b]fennen vit tankou zèb chan,

e disparèt tankou zèb ki vèt.

3 Mete konfyans ou nan SENYÈ a, e fè sa ki bon.

[c]Demere nan peyi a e kiltive nan bon tè.

4 Pran plezi ou nan SENYÈ a.

Konsa, Li va [d]bay ou tout dezi a kè ou.

5 [e]Dedye chemen ou a SENYÈ a.

Mete konfyans nan Li, e sa L ap fè:

6 Li va mennen fè parèt ladwati ou kon limyè,

Ak jijman ou klere [f]kon midi.

7 Pran repo nan SENYÈ a, e [g]tann Li ak pasyans;

Pa twouble ou akoz sila ki reyisi nan chemen li an,

Akoz nonm nan ki reyisi fè manèv mechan li yo.

8 Sispann fache pou l pa mennen ou nan fè mal.

Pa kite kè ou twouble; l ap mennen ou nan mechanste

9 Konsa, [h]malfektè yo va koupe retire nèt,

men sila k ap tann SENYÈ yo,

va vin genyen peyi a kon eritaj yo.

10 Men yon [i]ti tan ankò, mechan an va disparèt.

Ou va chache avèk atansyon plas li,

men li p ap egziste.

11 Konsa, [j]enb yo va fè eritaj peyi a.

Yo va pran plezi yo nan reyisi anpil.

12 Mechan an [k]fè konplo kont sila ki dwat yo.

Li manje dan l sou li.

13 SENYÈ a ri sou li, paske Li wè ke [l]jou li a ap rive.

14 Mechan yo rale nepe e [m]koube banza yo,

pou jete aflije yo avèk malere a,

pou touye sila ki dwat nan kondwit yo.

15 Nepe yo va antre nan pwòp kè yo.

[n]Banza yo ap kase.

16 [o]Pi bon se ti kras a moun dwat yo,

pase abondans anpil a mechan yo.

17 Paske bra a mechan yo va kase,

men SENYÈ a va ranfòse moun dwat yo.

18 SENYÈ a [p]konnen jou a sila ki dwat yo.

Eritaj yo va dire jis pou tout tan.

19 Yo p ap wont nan move tan.

Nan [q]jou gwo grangou yo, y ap jwenn kont.

20 Men mechan yo va peri.

Lènmi a SENYÈ a, tankou laglwa a bèl chan yo.

Yo va vin disparèt.

Tankou [r]lafimen,

yo ale nèt.

21 Mechan an prete, men li pa remèt,

men moun dwat la [s]ranpli ak gras pou l ka bay an abondans.

22 Paske sila ke Bondye beni yo, va [t]eritye peyi a,

men sila ke Li modi yo, va vin koupe retire nèt.

23 [u]Pa a yon nonm etabli pa SENYÈ a.

Konsa, Li pran plezi nan chemen li.

24 Lè [v]li tonbe, li p ap voye tèt anba nèt,

paske SENYÈ a se Sila ki kenbe men li an.

25 Mwen te jèn e koulye a, mwen fin granmoun,

men [w]mwen poko wè moun dwat ki abandone,

ni desandan li yo k ap mande pen.

26 Tout lajounen, [x] moun dwat la

plen ak gras pou prete moun.

Desandan li yo se yon benediksyon.

27 Kite mal e fè sa ki bon,

pou ou kab viv [y]jis pou tout tan.

28 Paske SENYÈ a renmen jistis,

e li pa abandone fidèl li yo.

Yo prezève pou tout tan,

men mechan yo va vin koupe retire nèt.

29 Moun ladwati yo va [z]eritye peyi a,

pou viv ladann pou tout tan.

30 Bouch a moun dwat yo va eksprime sajès,

epi lang li va [aa]pale jistis.

31 [bb]Lalwa Bondye nan kè li.

Pa li yo pa janm glise.

32 Mechan an ap veye dwat la

pou [cc]chache touye li.

33 SENYÈ a p ap kite l lantre nan men li,

ni [dd]kite li kondane lè li jije.

34 Tann SENYÈ a e kenbe chemen Li an.

Konsa, Li va leve ou wo pou eritye peyi a.

Lè [ee]mechan yo koupe retire, ou va gen tan wè l.

35 Mwen konn [ff]wè yon nonm mechan e vyolan

Ki gaye kò l tankou yon gwo pyebwa nan tè peyi natal li.

36 Konsa, li mouri nèt, e vwala, li [gg]pa t la ankò.

Mwen te chache li, men li pa t kab twouve.

37 Byen remake nonm san tò a,

epi gade byen nonm ladwati a,

paske nonm lapè a va gen [hh]posterite.

38 Men pechè a va detwi nèt.

Posterite a mechan an va [ii]koupe retire nèt.

39 Men [jj]delivrans a moun dwat yo soti nan SENYÈ a.

Se Li menm ki fòs yo nan tan twoub la.

40 SENYÈ a ede yo e delivre yo.

Li delivre yo soti nan men mechan yo e sove yo.

Li sove yo, akoz se nan Li ke yo [kk]kache.

<- Sòm Yo 36Sòm Yo 38 ->