1 [a]Bondye mwen, Bondye mwen, poukisa Ou

te abandone m?

Kri a doulè sa a lwen delivrans mwen.

2 O Bondye mwen, mwen [b]kriye pandan lajounen, men Ou pa reponn.

E nan lannwit men m pa jwenn repo.

3 Sepandan, Ou sen;

Ou menm ki [c]sou twòn lwanj pèp Israël la.

4 Nan Ou menm, zansèt nou yo te mete konfyans yo.

Yo te mete konfyans yo nan Ou,

e Ou te [d]delivre yo.

5 A Ou menm, yo te kriye, e yo te delivre.

[e]Nan Ou, yo te mete konfyans yo, epi pa t desi.

6 Men mwen se yon [f]vè,

mwen pa menm yon moun.

Parèt abominab devan lèzòm,

e meprize pa tout moun.

7 Tout moun ki wè m vin moke mwen.

Yo [g]separe avèk lèv yo e yo

souke tèt yo pou di:

8 Li mete konfyans nan SENYÈ a.

Kite Li menm delivre li.

Kite Li sove li, paske Li pran plezi nan li.

9 Sepandan, Ou menm se Sila ki te

fè m sòti nan vant manman m nan.

Ou te fè m gen konfyans depi m

t ap souse tete manman m.

10 Sou Ou, mwen te depann [h]depi nesans mwen.

Ou te Bondye mwen depi nan vant manman m.

11 [i]Pa rete lwen mwen, paske gwo twoub la toupre.

Paske nanpwen moun ki pou ede m.

12 Anpil towo vin antoure m.

Towo fò a [j]Basan yo te ansèkle m.

13 Yo ouvri bouch yo byen laj sou mwen,

tankou yon [k]lyon voras k ap rele fò.

14 Mwen vin vide tankou dlo.

Tout zo m fin dejwente.

15 Fòs mwen vin sèch tankou cha kanari.

Lang mwen kole akote nan bouch mwen.

[l]Ou fè m kouche nan pousyè lanmò a.

16 Konsa, chen yo vin antoure mwen.

Yon bann malfektè vin ansèkle m.

Yo te [m]pèse dwat mwen avèk pye m.

17 Mwen kab kontwole tout zo m yo.

Yo [n]gade mwen, yo fikse zye yo sou mwen.

18 Yo [o]divize rad mwen pami yo.

Pou vètman m, yo tire osò.

19 Men Ou menm, O SENYÈ, pa rete lwen!

Ou menm, sekou mwen, [p]fè vit, vin rive ede m!

20 Delivre nanm mwen devan [q]nepe a,

lavi mwen devan pouvwa a chen an.

21 Fè m sekou soti nan bouch a [r]lyon an,

soti sou kòn a bèf mawon.

Wi, Ou menm te reponn mwen.

22 Mwen va [s]pale non Ou a frè m yo.

Nan mitan asanble a, mwen va louwe Ou.

23 [t]Ou menm ki krent SENYÈ a, louwe Li.

Nou tout, desandan Jacob yo, bay Li glwa!

Kanpe byen sezi devan L,

nou tout, desandan Israël yo.

24 Paske Li pa t meprize ni

rayi afliksyon a aflije yo.

Ni Li pa t kache figi Li a li menm,

men [u]lè li te kriye a Li pou sekou, Li te tande.

25 Se depi a Ou menm ke lwanj mwen sòti

nan gran asanble a;

Mwen va [v]akonpli ve mwen yo devan sila ki krent Li yo.

26 Aflije yo va manje e [w]va satisfè.

Sila ki chache Li yo, va louwe SENYÈ a.

Ke kè Ou kapab viv jis pou tout tan!

27 Tout [x]ekstremite tè a nèt va sonje.

Yo va vire bò kote SENYÈ a.

Konsa, tout fanmi nan nasyon yo va

adore devan Ou.

28 Paske [y]wayòm nan se pou SENYÈ a,

e pouvwa Li se sou tout nasyon yo.

29 Tout moun [z] byen reyisi sou latè va manje e adore.

Tout sila ki desann nan pousyè a va bese devan Li,

Menm sila ki pa kab fè nanm li viv la.

30 Jenerasyon yo va sèvi Li.

Yo va pale de SENYÈ a

a [aa]desandan yo k ap vini an.

31 Yo va vini.

Yo va deklare ladwati Li

a yon pèp ki [bb]va vin fèt.

Paske Li te reyisi fè tout bagay sa a.

<- Sòm Yo 21Sòm Yo 23 ->