1 Louwe SENYÈ a!

Chante a SENYÈ a yon chan tounèf,

avèk lwanj Li [a]nan asanble fidèl Li yo.

2 Kite Israël fè kè kontan nan Kreyatè li a.

Kite fis a Sion yo rejwi nan [b]Wa yo a.

3 Kite yo louwe non Li avèk dans!

Kite yo chante lwanj a Li

avèk [c]tanbouren ak gita.

4 Paske SENYÈ a pran plezi nan pèp Li a.

Li va [d]anbeli enb yo avèk sali Li.

5 Kite fidèl yo leve wo nan glwa.

Kite yo chante ak lajwa sou kabann yo.

6 Ke [e] gwo lwanj a Bondye yo kapab nan bouch yo,

ak yon nepe file de bò nan men yo,

7 pou [f]fè vanjans sou nasyon yo,

avèk pinisyon sou lòt pèp yo;

8 pou mare wa yo ak chenn,

ak [g]moun pwisan yo nan gwo chenn an fè,

9 pou [h]egzekite sou yo jijman ki te ekri a.

Sa se lonè de tout fidèl Li yo.

Louwe SENYÈ a!