1 Louwe SENYÈ a!

Paske li bon pou chante lwanj a Bondye nou an.

Paske se agreyab epi lwanj Li se [a]dous.

2 SENYÈ a ap ranfòse Jérusalem.

Li [b]ranmase egzile Israël yo.

3 Li geri sila ak [c]kè kase yo e mete pansman sou blesi yo.

4 Li konte fòs kantite zetwal yo.

Li [d]bay non a yo tout.

5 Gran se SENYÈ nou an e Li ranpli ak fòs.

[e]Bon konprann Li an san limit nèt.

6 SENYÈ a bay [f]soutyen a aflije yo.

Li fè mechan yo bese desann jis rive atè.

7 [g]Chante a SENYÈ a ak remèsiman.

Chante lwanj a Bondye nou an sou gita,

8 ki kouvri syèl la ak nwaj yo,

ki [h]founi lapli pou tè a,

ki fè zèb yo grandi sou mòn yo.

9 Li bay bèt la manje li,

ak [i]jenn kòbo k ap kriye yo.

10 Li pa pran plezi nan fòs cheval la.

Li [j]pa pran plezi nan janm a moun.

11 SENYÈ a bay favè a sila ki krent Li yo,

[k]sila ki tann lanmou dous Li yo.

12 Louwe SENYÈ a, O Jérusalem!

Louwe Bondye ou a, O Sion!

13 Paske Li te fòtifye ba fè nan pòtay ou yo;

Li te [l] beni fis ou yo anndan w.

14 Li [m]fè lapè anndan lizyè ou yo.

Li satisfè ou ak meyè kalite ble.

15 Li voye lòd Li sou latè.

[n]Pawòl Li kouri byen vit.

16 Li bay lanèj kon lenn.

Li gaye [o]lawouze glase kon sann.

17 Li jete voye glas Li kon ti mòso.

Se kilès ki kab kanpe devan [p]fredi Li a?

18 Li voye pawòl Li pou fonn yo.

Li fè [q]van Li soufle e dlo yo koule.

19 Li [r]deklare pawòl Li yo a Jacob,

règleman Li yo ak òdonans Li yo a Israël.

20 Li [s]pa t aji konsa avèk okenn lòt nasyon.

Selon òdonans Li yo, yo pa konnen yo.

Louwe SENYÈ a!