1 Beni SENYÈ a!

[a]Beni SENYÈ a, O nanm mwen!

2 Mwen va beni SENYÈ a [b]pandan mwen ap viv.

Mwen va chante lwanj a Bondye pa mwen an

pandan mwen sou latè a.

3 [c]Pa mete konfyans nan prens yo.

Nan lòm mòtèl, nan sila nanpwen Sali a.

4 [d]Lespri li pa rete; li retounen nan tè a.

Nan menm jou sa a, panse li yo vin peri.

5 A la beni sila ki gen sekou nan Bondye Jacob la beni,

sila ki [e]mete espwa li nan SENYÈ a, Bondye li a,

6 Ki te fè syèl la avèk tè a,

[f]lanmè ak tout sa ki ladann.

Ki fidèl jis pou tout tan.

7 Ki [g]egzekite jistis pou oprime yo.

Ki bay manje a moun grangou yo.

SENYÈ a mete prizonye yo an libète.

8 SENYÈ a [h]ouvri zye a avèg yo.

SENYÈ a leve sila ki vin pwostène yo.

SENYÈ a renmen moun ladwati yo.

9 SENYÈ a [i]pwoteje etranje yo.

Li bay soutyen a òfelen an ak vèv la,

men Li jennen wout mechan an.

10 SENYÈ a va renye jis pou tout tan,

Bondye pa Ou a, O Sion, jis pou tout jenerasyon yo.

Louwe SENYÈ a!