1 Mwen va [a]leve Ou wo,

O Bondye mwen, O Wa a.

Mwen va beni non Ou pou tout tan e pou tout tan.

2 Chak jou, mwen va beni Ou e mwen

va louwe non Ou pou tout tan e pou tout tan.

3 Gran se SENYÈ a, dign de lwanj.

[b]Grandè Li pa kab fin sonde menm.

4 Yon [c]jenerasyon va louwe zèv Ou yo jis rive nan yon lòt.

Yo va pwoklame zèv pwisan Ou yo.

5 Sou bèlte e glwa a majeste Ou

avèk [d]zèv mèvèy Ou yo,

mwen va reflechi tout tan.

6 Lezòm va pale sou pouvwa a [e]zèv mèvèy Ou yo

e mwen va pale jan Ou gran.

7 Yo va pouse pale ak enpasyans sou memwa a bonte Ou.

Yo va rele fò ak lajwa de ladwati Ou.

8 SENYÈ a [f]plen gras avèk mizerikòd,

lan nan kòlè e gran nan lanmou dous Li a.

9 SENYÈ a bon pou tout moun e gras Li

lonje rive sou tout zèv Li yo.

10 [g]Tout zèv Ou yo va di Ou:

“Mèsi O SENYÈ,”

e fidèl Ou yo va beni Ou.

11 Yo va pale [h]glwa a wayòm Ou an, e

pale sou zafè pouvwa Ou yo;

12 Pou [i]fè rekonèt a fis a lòm yo,

zèv pwisan Ou yo avèk glwa ak

majeste a wayòm Ou an.

13 Wayòm Ou an se yon [j]wayòm etènèl

e règn Ou an dire pou tout jenerasyon yo.

14 SENYÈ a bay soutyen a tout moun ki tonbe.

Li [k]leve wo tout sila ki vin pwostène yo.

15 Zye a tout moun genyen espwa sou Ou.

Ou [l]bay yo manje yo nan lè yo.

16 Ou [m]ouvri men Ou pou satisfè dezi

a tout sila k ap viv yo.

17 Senyè a [n]dwat nan tout chemen Li yo, e

ranpli ak bonte nan tout zèv Li yo.

18 SENYÈ a toupre tout sila ki rele Li yo,

tout sila ki rele li[o] ak verite yo.

19 Li va [p]ranpli dezi a sila ki gen lakrent Li yo.

Anplis Li va tande kri yo e Li va sove yo.

20 SENYÈ a kenbe tout sila ki renmen Li yo,

men [q]mechan yo, Li va detwi

21 Bouch mwen va pale lwanj SENYÈ a,

e [r]tout chè va beni sen non Li an jis pou

tout tan e pou tout tan.