1 Amwenske se SENYÈ a ki bati kay la,

sila ki bati li yo, travay anven.

Amwenske SENYÈ a [a]veye pòtay la,

gadyen an rete zye louvri anven.

2 Se an ven pou ou leve bonè e ale dòmi ta,

pou [b]manje pen a travay di yo,

paske se domi Li bay a moun li renmen.

3 Veye byen, pitit se yon don SENYÈ a.

[c]Fwi a vant la se yon rekonpans.

4 Tankou flèch nan men a yon [d]gèrye,

Se konsa pitit a jèn yo ye.

5 A la [e]beni se nonm ke veso l plen ak yo.

Yo p ap wont lè yo pale ak lènmi yo nan pòtay la.

<- Sòm Yo 126Sòm Yo 128 ->