1 Mwen renmen SENYÈ a, paske Li tande vwa m,

avèk siplikasyon mwen yo.

2 Akoz Li te [a]panche zòrèy Li bò kote m,

pou sa, mwen va rele non Li pandan tout tan ke m viv.

3 Kòd lanmò yo te antoure m,

e laperèz fòs lanmò te vini sou mwen.

Mwen te jwenn twoub ak gwo tristès.

4 Alò, mwen te rele non SENYÈ a.

O SENYÈ, mwen sipliye Ou, [b]sove lavi mwen!

5 Ranpli ak gras ak ladwati, se SENYÈ a.

Wi, Bondye nou an plen ak [c]mizerikòd.

6 SENYÈ a toujou pwoteje [d] moun senp yo.

Mwen te abese mwen nèt e Li te sove mwen.

7 Reprann [e]repo ou, O nanm mwen, paske

Bondye te aji nan bonte Li avèk ou.

8 Paske Ou te [f]delivre nanm mwen devan lanmò,

zye m pou m pa kriye, pye m pou m pa glise tonbe.

9 Mwen va mache devan SENYÈ a nan

[g]peyi moun vivan an.

10 Mwen [h]te kwè, pou sa mwen te di: “Mwen te vrèman aflije.”

11 Mwen te di nan mitan gwo twoub mwen yo:

[i]“Tout moun se mantè”.

12 Kisa mwen kapab [j]bay a SENYÈ a

Pou tout bonte Li anvè mwen?

13 Mwen va leve wo [k]koup sali a,

e rele non SENYÈ a.

14 Mwen va [l]peye tout ve mwen yo anvè SENYÈ a.

Wi, nan prezans tout pèp Li a!

15 [m]Byen chè nan zye SENYÈ a, se lanmò a fidèl Li yo.

16 O SENYÈ, anverite, mwen se sèvitè Ou.

Mwen se sèvitè Ou, fis a sèvant Ou an.

Ou fin [n]lache kòd mwen yo.

17 A Ou menm, mwen va ofri yon [o]sakrifis remèsiman,

e va rele sou non SENYÈ a.

18 Mwen va [p]peye ve mwen yo a SENYÈ a.

Wi, kite l fèt nan prezans a tout pèp Li a!

19 Nan [q]lakou lakay SENYÈ a, nan mitan nou menm,

O Jérusalem, Louwe SENYÈ a!

<- Sòm Yo 115Sòm Yo 117 ->