1 Fis mwen an, [a]pa bliye enstriksyon mwen an,

men kite kè ou kenbe kòmandman Mwen yo;

2 paske konsa, longè jou, ane lavi ak lapè yo

va vin ogmante sou ou.

3 Pa kite [b]dousè ak verite kite ou.

Mare yo antoure kou ou.

Ekri yo sou tablo kè ou.

4 Konsa, ou va twouve favè avèk [c]bon repitasyon

nan men Bondye a, ak moun.

5 [d]Mete konfyans nan SENYÈ a ak tout kè ou;

pa apiye sou pwòp bon konprann pa w.

6 Nan tout chemen ou yo rekonèt Li;

konsa Li va [e]fè pa ou yo vin dwat.

7 [f]Pa vin saj nan pwòp zye pa ou;

krent SENYÈ a e vire kite mal.

8 Li va sèvi kon yon [g]gerizon pou kò ou,

ak rafrechisman a zo ou.

9 Onore SENYÈ a ak sa ki soti nan bonte ou yo;

ak [h]premye pati nan tout prodwi ou,

10 pou [i]depo ou yo kab vin plen ak abondans,

e pou sitèn ou yo plen ak diven tounèf.

11 [j]Fis mwen an, pa rejte disiplin SENYÈ a,

ni rayi repwòch Li,

12 Paske [k]sila ke SENYÈ a renmen an, Li korije li,

jis tankou yon papa konn korije

fis nan sila li pran plezi a.

13 [l]A la beni nonm ki twouve sajès,

e nonm ki vin genyen bon konprann nan beni!

14 Paske [m]avantaj li pi bon ke avantaj ajan,

e pwofi li pi bon ke lò fen.

15 Li [n]pi presye pase bijou;

e okenn lòt bagay ke ou ta dezire pa kab konpare avèk li.

16 Lavi ki long va trouve nan men dwat li.

Nan men goch li se [o]richès ak lonè.

17 [p]Chemen li yo byen dous,

e tout pa li yo se lapè.

18 Li se yon [q]pyebwa lavi a sila ki pran l yo,

e byen kontan se tout sila ki kenbe l fèm yo.

19 SENYÈ a [r]ak sajès te fonde latè a;

ak bon konprann Li te etabli syèl yo.

20 Ak konesans Li, [s]fon yo te vin ouvri,

e syèl yo te vin degoute lawouze.

21 Fis mwen an, pa kite yo vin disparèt devan zye ou;

kenbe bon sajès ak bon konprann.

22 Konsa yo va [t]lavi pou nanm ou

ak dekorasyon pou kou ou.

23 Konsa, ou va mache nan chemen ou ak sekirite,

e pye ou p ap [u]chape.

24 Lè ou [v]kouche ou p ap pè;

kouche ou ak dòmi ou va byen dous.

25 Pa pè gwo laperèz ki parèt sibitman,

ni atak a mechan an lè l vini.

26 Paske Bondye va konfyans ou,

e va [w]veye pye ou pou l pa pran nan pyèj.

27 [x]Pa refize fè byen a sila ki merite l yo,

si se nan kapasite ou pou fè l.

28 Pa di vwazen ou: “Ale e retounen pita”,

oswa “Demen, m ap bay ou”, lè l deja nan men w.

29 [y]Pa kalkile mal kont vwazen ou

pandan l ap viv an sekirite akote ou.

30 Pa fè kont ak yon nonm san koz,

depi li pa konn fè ou tò.

31 [z]Pinga ou gen anvi a yon nonm vyolan,

ni pa chwazi chemen li yo.

32 Moun pèvès se yon abominasyon a SENYÈ a;

men SENYÈ a [aa]vin toupre a sila yo ki dwat yo.

33 Malediksyon SENYÈ a sou kay mechan yo,

men Li [bb]beni abitasyon a moun dwat yo.

34 [cc]Li moke moun k ap moke,

men Li bay gras a sila ki aflije yo.

35 [dd]Saj yo va resevwa gran respe kon eritaj,

men moun plen foli yo va dezonere.

<- Pwovèb 2Pwovèb 4 ->