1 Yon [a]bon non pi bon pase tout richès;

e favè Bondye, pase ajan ak lò.

2 Rich la ak malere a mare ansanm;

se SENYÈ a ki [b] fè yo tout.

3 Sila ki [c]reflechi, wè mal e kache kò li;

men ensanse yo antre ladann e jwenn pinisyon.

4 Rekonpans pou imilite avèk lakrent SENYÈ a

se richès, bon repitasyon, ak lavi.

5 [d]Pikan ak pèlen se nan chemen a pèvès yo;

sila ki veye nanm li, va rete lwen yo.

6 [e]Leve yon timoun nan chemen li ta dwe ale,

e lè li vin gran, li p ap kite li;

menm lè l granmoun, li p ap kite li.

7 [f]Rich yo domine sou pòv yo,

e moun ki prete vin esklav a sila k ap bay prè a.

8 Sila ki [g]simen inikite a va rekòlte vanite;

e baton kòlè li a va detwi.

9 Sila ki [h]bay ak men louvri va beni;

paske li bay manje a malere.

10 [i]Mete moun k ap moke moun yo deyò,

e diskisyon an prale tou;

wi, konfli ak dezonore moun ap sispann.

11 Sila ki renmen [j]kè ki san tach

e ki pale ak gras, va zanmi a wa a.

12 Zye a SENYÈ a konsève konesans;

men Li boulvèse pawòl moun malveyan yo.

13 [k]Parese a di: “Gen yon lyon deyò a;

m ap mouri nan lari!”

14 Bouch a [l]fanm adiltè a se yon fòs byen fon;

sila ke SENYÈ a modi va tonbe ladann.

15 Foli mare nan kè a yon timoun;

baton disiplin nan va retire sa mete lwen li.

16 Sila ki oprime malere a pou ogmante tèt li;

ni sila k ap fè kado a rich yo, va rive nan povrete.

17 [m]Apiye zòrèy ou pou tande pawòl a saj yo;

epi aplike ou a konesans mwen.

18 Paske sa va [n]byen agreyab pou ou

si ou kenbe yo anndan ou, pou yo toujou prè sou lèv ou.

19 Pou [o]konfyans ou kapab nan SENYÈ a,

mwen te enstwi ou jodi a, menm ou menm nan.

20 Èske mwen pa t ekri ou trant [p]bèl bagay,

de konsèy ak konesans yo?

21 Pou fè ou [q]konnen vrè pawòl verite yo,

pou ou kab byen reponn sila ki te voye ou a?

22 Pa vòlè malere a paske li pòv,

ni [r]kraze aflije nan pòtay la;

23 paske, SENYÈ a va [s]plede ka yo

e pran lavi a sila ki vòlè yo.

24 Pa asosye ak yon nonm ki livre a kòlè;

oswa ale ak yon [t]moun kolerik,

25 sinon, ou va [u]aprann mès li yo

e jwenn yon pèlen pou tèt ou.

26 Pa konte pami sila ki [v]sèvi kon garanti yo,

pami sila ki fè sekirite pou dèt yo.

27 Si ou pa gen mwayen pou ou kab peye,

poukisa ou ta kite l [w]rale kabann nan sòti anba ou?

28 [x]Pa deplase ansyen bòn

ke papa zansèt nou yo te mete a.

29 Èske ou wè yon nonm byen abil nan travay li?

Li va [y]kanpe devan wa yo;

li p ap oblije kanpe devan nenpòt kalite vye moun.