1 Kè a wa a se tankou kanal dlo nan men SENYÈ a;

Li [a]vire l kote Li vle.

2 Chemen a yon moun bon nan pwòp zye li;

men SENYÈ a [b]peze kè yo.

3 SENYÈ a pito [c]ladwati ak lajistis

plis pase sakrifis.

4 Zye ki leve wo ak kè ki plen ògèy;

[d]lanp a mechan yo se peche.

5 Plan a [e]dilijan an mennen byen si, vè avantaj;

men tout moun ki aji san reflechi va, san dout, vin pòv.

6 Ranmase anpil byen ak lang k ap bay manti

se yon vapè k ap sove ale, k ap kouri dèyè lanmò.

7 Vyolans a mechan yo va trennen yo fè yo pati,

akoz yo [f]refize aji ak jistis.

8 Chemen a yon moun koupab [g]kwochi;

men pou sila ki san tach la, kondwit li dwat.

9 Li pi bon pou viv nan ti kwen sou twati a

pase nan yon kay ak yon fanm k ap fè kont tout tan.

10 Nanm a mechan an vle mal;

vwazen li an pa twouve gras nan zye l.

11 Lè [h]mokè a vin pini, moun san konprann nan vin saj;

men lè moun saj la enstwi, li resevwa konesans.

12 Lè sila ki dwat, pran an konsiderasyon kay mechan an,

[i]afè mechan an vin detwi nèt.

13 Sila ki [j]fèmen zòrèy li a kri aflije a,

va vin kriye pou kont li, men li p ap jwenn [k]repons.

14 Yon [l]kado vèse an sekrè kalme fachez,

e yon anba tab ki glise rive, bese gwo kòlè.

15 Aplike lajistis se yon plezi pou moun dwat;

men se yon gwo laperèz pou malfektè inikite yo.

16 Yon nonm egare ki kite chemen bon konprann nan,

va jwenn repo nan asanble mò yo.

17 Sila ki [m]renmen plezi, va vin pòv;

sila ki renmen diven ak lwil, p ap janm rich.

18 Mechan an se yon [n]ranson pou moun dwat yo;

e sila ki fè trèt la pou sila ki kanpe janm.

19 [o]Li pi bon pou rete nan dezè

pase viv ak yon fanm k ap agase moun tout tan.

20 Gen bèl trezò ak lwil nan abitasyon a moun saj la;

men, moun san konprann nan [p]vale tout.

21 Sila ki [q]swiv ladwati ak fidelite a

jwenn lavi, ladwati ak lonè.

22 Yon [r]nonm saj monte sou miray vil pwisan,

e fè tonbe sitadèl la ki te bay yo konfyans.

23 Sila ki [s]veye bouch li ak lang li

pwoteje nanm li kont gwo twoub.

24 Ògèy, Monte Tèt Wo, Mokè;

men tit a sila ki aji nan ògèy ak ensolans yo.

25 Se [t]volonte a parese a ki fè l mouri,

paske men li refize travay;

26 Gen moun tout lajounen kap anvi yon bagay,

pandan moun dwat yo [u] ap vèse bay san rete.

27 Sakrifis a mechan yo abominab;

se konbyen anplis, lè l pote ak movèz fwa.

28 Yon [v]fo temwen va peri;

men sila ki koute verite a va pale ak letènite.

29 Moun mechan an afiche yon figi brav;

men pou [w]moun ladwati a, chemen li an sèten.

30 [x]Nanpwen sajès, ni bon konprann, ni konsèy kont SENYÈ a.

31 Cheval la prepare pou jou batay la;

men [y]viktwa a se nan men SENYÈ a.