ABDIAS

1 Vizyon Abdias la. Konsa pale Senyè BONDYE a konsènan Édom. Nou te tande yon rapò soti nan SENYÈ a, yon [a]mesaje te voye pami nasyon yo. Li t ap di: [b]“Leve, annou ale goumen kont li”— 2 Gade byen, Mwen va fè ou [c] vin piti pami nasyon yo. Ou vin meprize anpil. 3 [d]Awogans a kè nou te twonpe nou, nou menm ki rete nan falèz wòch yo, nan wotè a abitasyon nou, ki di nan kè nou: “Se kilès ki ka rale m rive atè?” 4 “Menmsi nou [e]bati anlè tankou èg, menmsi nou mete nich nou pami [f]zetwal yo, mwen va rale nou fè nou desann soti la,” deklare SENYÈ a. 5 Si [g]vòlè te vin kote nou, vòlè nan lannwit yo— o ala devaste nou va vin devaste— èske yo pa t ap vòlè sèlman pou yo ta jwenn ase? Si ranmasè rezen yo te rive kote nou [h]èske yo pa t ap kite kèk ti rès? 6 Ala depouye Ésaü va vin [i]depouye! Ala fouye yo va fouye trezò kache li yo! 7 Tout [j]sila ki fè alyans avèk nou yo va voye nou kote fwontyè a. Sila ki anpè ak nou yo te twonpe nou, e yo deja genyen nou. Zanmi ki manje [k]pen nou yo ap fè pèlen pou nou. Nanpwen bon konprann nan li.

8 Èske Mwen p ap nan jou sa a, deklare SENYÈ a; [l]“Detwi mesye saj Édom yo, e retire bon konprann ki soti sou mòn Ésaü a? 9 Answit, mesye pwisan nou yo va vin enkyete, O [m]Théman, jis tout kapab koupe retire nèt de mòn Ésaü ak gwo masak. 10 Akoz [n]vyolans anvè frè nou Jacob, nou va vin kouvri ak wont, e nou va vin koupe retire nèt jis pou tout tan. 11 Nan jou ke nou te kanpe a distans, nan jou ke etranje yo te bwote tout byen li, lòt nasyon yo te antre nan pòtay li, e te fè tiraj osò pou Jérusalem—nou menm tou te sanble ak yo.[o] 12 Pa vin rejwi ou nan jou malè frè ou a, ni pa rejwi ou sou fis a Juda yo nan jou destriksyon yo a. Pa anfle ou menm nan jou malè yo.[p] 13 Pa antre nan pòtay pèp Mwen an nan [q]jou malè yo. Ni pa rejwi ou de gwo dega nan jou malè yo. Pa [r]piyaje byen yo nan jou malè yo. 14 Pa [s]kanpe nan kafou chemen pou touye sila k ap sove ale sòti nan yo. Epi pa livre a lènmi sila ki chape nan jou malè yo. 15 Paske [t]jou SENYÈ a ap rapwoche sou tout nasyon yo! Jan ou te fè a, se konsa yo va fè ou. 16 Paske menm jan ou te [u]bwè sou mòn sen Mwen an, Konsa tout nasyon yo va bwè tout tan. Yo va bwè, yo va vale, l ap vin konsi yo pa t janm te la. 17 Men sou mòn [v]Sion, va genyen sila ki chape yo, e mòn sa va sen. Epi lakay Jacob va posede posesyon yo. 18 Answit, lakay Jacob va vin yon dife, e lakay Joseph va vin yon flanm; men lakay Ésaü va vin kon pay. Konsa, yo va limen dife sou yo pou brile yo nèt pou [w]pa gen ki rete lakay Ésaü ankò,” paske SENYÈ a fin pale.

19 Moun Negev la va vin [x]posede mòn a Ésaü ak sila a Schfela yo, gwo plèn Philistie a. Yo va posede teritwa Éphraïm, teritwa Samarie, e Benjamin va vin posede Galaad, tou. 20 Epi egzile a lame fis Israël sa a, ki pami Kananeyen yo, va posede jis rive [y]Sarepta, e egzile Jérusalem ki Sepharad yo va vin posede [z]vil Negev yo. 21 [aa]Liberatè yo va monte Mòn Sion pou jije mòn Ésaü a e wayòm nan va vin pou a SENYÈ a.