NAHUM

1 Pwofesi pou Ninive. Liv vizyon a Nahum nan, Elkochit la. 2 Yon Dye [a]jalou k ap fè vanjans se SENYÈ a. SENYÈ a plen chalè kòlè ak vanjans. SENYÈ a ap pran vanjans Li sou sa yo ki kont Li yo. Sou lènmi Li yo, li konsève chalè kòlè Li. 3 SENYÈ a [b]lan nan kòlè, e Li plen pwisans. Konsa, li byen si ke SENYÈ a p ap kite koupab la san pinisyon. Mwayen Li se nan toubiyon ak tanpèt, e nwaj yo se pousyè anba pye Li. 4 Li [c]Repwoche lanmè a, e fè l vin sèch. Li fè larivyè yo vin sèch. Basan ak Carmel seche; flè a Liban yo vin fennen. 5 Mòn yo [d]tranble akoz Li, e kolin yo vin fann nèt. Anverite latè a boulvèse pa prezans Li, lemonn ak tout sa ki rete ladann. 6 Se kilès ki ka kanpe devan gwo kòlè Li? Kilès ki ka sipòte [e]chalè kòlè Li? Se tankou dife [f]kòlè Li vide; Li menm ki fè wòch yo kraze an mòso. 7 SENYÈ a [g]bon; se yon sitadèl nan jou malè. Epi Li konnen sila ki pran refij nan li yo. 8 Men tankou yon [h]inondasyon ki debòde nèt, li va fè vil Ninive disparèt nèt, e kouri dèyè lènmi Li yo jis rive nan fènwa. 9 Nenpòt panse nou konn [i]fè kont SENYÈ a, li va mete fen a sa [j]nèt. Gwo twoub sa a p ap parèt de fwa. 10 Kon bwa pikan mele mare, kon sila ki sou ak bwason yo, yo va [k] vin konsonmen nèt kon pay ki fennen nèt. 11 Nan ou, te sòti yon moun ki te [l] fè move konplo kont SENYÈ a, yon [m]konseye mechan.

12 Konsa pale SENYÈ a: “Byenke yo plen fòs, e yo gen anpil moun; malgre sa, yo va [n]vin koupe retire e disparèt. Byenke Mwen te aflije ou, Mwen p ap aflije ou [o]ankò. 13 Pou sa, koulye a, Mwen va [p]kraze retire jouk li ki mare sou ou a, e mwen va eklate chèn ou yo.”

14 SENYÈ a fin pase lòd konsènan ou menm: [q]“P ap gen desandan ki pou pote non ou ankò. Mwen va koupe retire zidòl ak imaj soti lakay dye ou yo. M ap prepare yon kote antèman pou ou; paske ou vin abominab.”

15 Gade byen, [r]sou mòn yo, pye a li ki pote bòn nouvèl, ki anonse lapè yo! Fè fèt nou, O Juda! Akonpli ve nou yo. Paske sa p ap janm rive ankò pou mechan sila an vin pase nan mitan nou. Li fin koupe retire nèt.