“Koute koulye a, chèf a Jacob yo ak sila

k ap gouvène lakay Israël yo.

Èske nou pa dwe konnen lajistis?[a]

2 Nou menm ki rayi sa ki bon,

e ki renmen sa ki mal;

ki [b]chire po yo sou kò yo,

ak chè yo soti sou zo yo;

3 k ap anplis[c]manje chè pèp Mwen an,

chire po yo sou yo, kraze zo yo

e [d]koupe yo an mòso,

tankou se pou mete nan chodyè,

tankou vyann nan bonm nan.

4 Konsa, yo va kriye fò a SENYÈ a,

men Li p ap reponn yo.

Olye de sa, nan lè sa a, Li va [e]kache figi li a yo menm,

akoz yo te pratike zak ki mechan.”

5 Konsa pale SENYÈ a konsènan pwofèt ki te [f]mennen pèp mwen an nan erè yo. Lè yo bay yo kèk bagay pou mòde ak dan yo, yo kriye: “Lapè”! men kont sila ki pa mete anyen nan bouch yo, yo deklare lagè.

6 Akoz sa, li fènwa [g] sou nou—san vizyon

e fènwa pou nou—san apèsi davni.

[h]Solèy la va kouche sou pwofèt yo,

e lajounen va vin fènwa sou yo.

7 Vwayan yo va wont

e [i]divinò yo va nan konfizyon.

Anverite, yo tout va [j]kouvri bouch yo

akoz Bondye pa reponn.

8 Men kanta mwen menm,

[k]mwen ranpli ak pouvwa pa Lespri SENYÈ a,

ak jistis ak kouraj Li,

pou [l]fè Jacob konnen zak rebelyon li an;

menm a Israël, peche pa l la.

9 Alò, tande sa, chèf lakay Jacob yo,

ak sila k ap gouvène lakay Israël yo,

ki [m]rayi jistis,

e ki vire tòde tout sa ki dwat,

10 Ki [n]bati Sion ak san koule,

e Jérusalem ak vyolans e enjistis.

11 Chèf li yo fè [o]jijman

pou jwenn sa ki glise anba tab,

e [p]prèt li yo enstwi pou kòb,

pandan pwofèt li yo ap pwofetize pou lajan.

Malgre sa, yo apiye sou SENYÈ a.

Yo di: “Se pa SENYÈ a ki nan mitan nou?

Okenn malè p ap rive sou nou.”

12 Konsa, akoz nou menm,

[q]Sion va vin raboure tankou yon chan,

e [r]Jérusalem va vin yon pil mazi,

e mòn tanp lan va devni

tankou wo plas yo nan forè a.