1 Konsa, Jonas te priye a SENYÈ Bondye li a depi [a]nan vant pwason an. 2 Li te di:
“Mwen te rele nan detrès mwen bay SENYÈ a,
e Li te reponn mwen.
Mwen te kriye pou sekou
depi nan pwofondè [b]sejou mò yo.
Ou te tande vwa mwen.
3 Ou te [c]jete mwen nan gwo pwofondè a,
nan kè lanmè yo,
e gwo kouran dlo a te vale mwen.
Gwo lam lanmè ou yo ak gwo vag lanmè
ou yo te pase sou mwen.
4 Konsa, mwen te di: ‘Mwen te [d]vin chase lwen fas ou.
Malgre sa, mwen va gade ankò vè tanp sen Ou an.’
5 [e]Dlo te antoure mwen
jiskaske m rive nan pwen lanmò.
Gwo [f]pwofondè a te vale mwen;
zèb lanmè yo te vlope tèt mwen.
6 Mwen te desann jis rive nan baz mòn yo.
Latè ak bawo li yo te antoure mwen pou tout tan,
men Ou te [g]leve lavi m monte soti nan fòs la,
O SENYÈ Bondye mwen an!
7 “Pandan mwen t ap [h]vin endispoze nèt,
Mwen te [i]sonje SENYÈ a
e lapriyè mwen te rive kote Ou nan tanp sen Ou an.
8 Sila ki [j]konsidere zidòl san valè yo
abandone tout sous mizerikòd,
9 Men mwen va fè sakrifis a Ou menm
ak vwa aksyon de gras la.
Sa ke mwen te sèmante a, se li mwen va [k]akonpli.
[l]Sali a sòti nan SENYÈ a.”
10 Epi SENYÈ a te kòmande [m]pwason an
e li te vomi Jonas sou tè sèch la.
<- Jonas 1Jonas 3 ->