JONAS

1 Pawòl SENYÈ a te vini a [a]Jonas, fis a Amitthaï a. Li te di: 2 “Leve, ale Ninive, gran vil la, e kriye kont li, paske [b]mechanste yo monte devan Mwen.”

3 Men Jonas te leve al kache[c]Tarsis pou kite prezans SENYÈ a. Konsa, li te desann [d]Joppa, e li te jwenn yon bato ki t ap prale Tarsis. Li te peye frè a, e te desann ladann pou ale avèk yo Tarsis pou l envite prezans SENYÈ a.

4 Men [e]SENYÈ a te lanse yon gwo van sou lanmè a. Te gen yon gwo tanpèt sou lanmè a jiskaske bato a te prèt pou kraze nèt. 5 Answit, ouvriye bato yo te vin pè e yo chak te kriye a [f]pwòp dye pa yo. Yo te [g]vide chaj ki te nan bato a nan lanmè a pou te fè l pi lejè. Men Jonas te ale anba nan fon bato a, epi kote li te kouche a, li te tonbe dòmi. 6 Konsa, kapitèn bato a te pwoche li e te di: “Kòman fè w ap dòmi an? Leve [h]rele dye pa ou a. Petèt [i]dye ou a va fè pa nou pou nou pa peri.”

7 Chak mesye yo te di a konparèy yo: “Vini, annou fè tiraj osò pou nou ka konprann sou kont kilès gwo malè sa a rive nou an.” Yo te fè tiraj osò a, e [j]sò a te tonbe sou Jonas. 8 Konsa yo te di li: [k]“Pale nou koulye a! Sou kont a kilès malè sa a rive nou an? Ki metye ou? Epi ki kote ou sòti? Ki peyi ou? Nan ki pèp ou sòti?”

9 Li te di yo: “Mwen se yon [l]Ebre, e mwen gen lakrent pou SENYÈ Bondye syèl la, ki te fè lanmè a ak tè sèch la.” 10 Pou sa a, mesye yo te vin pè anpil e yo te di li: “Kisa ou te fè la?” Paske mesye yo te deja konprann ke li [m]t ap sove ale sòti kite prezans a SENYÈ a, akoz sa li te di yo. 11 Konsa, yo te di l: “Kisa pou nou ta fè ou pou lanmè a vin kalm pou nou?” Paske lanmè a t ap vin pi move plis toujou.

12 Li te di yo: “Leve mwen, jete m nan lanmè a. Konsa, lanmè va vin kalm pou nou; paske mwen konnen ke se [n]akoz mwen menm ke gwo tanpèt sa a rive sou nou.”

13 Sepandan, mesye yo te bouje zaviwon yo fò pou yo ta ka rive atè, men yo pa t kapab, paske lanmè te vin pi move kont yo. 14 Pou sa a, yo te rele SENYÈ a e te di: “O SENYÈ, pa kite nou peri sou kont a nonm sila a, ni pa mete san inosan sou nou; paske [o]Ou menm, O SENYÈ, Ou fè sa ki fè Ou plezi.” 15 Konsa, yo te leve Jonas, yo te voye li nan lanmè a, e lanmè [p]te vin sispann anraje. 16 Epi mesye yo te vin krent SENYÈ a anpil. Yo te ofri yon sakrifis a SENYÈ a e te fè [q]ve yo a Li menm.

17 Epi SENYÈ a te chwazi yon gwo pwason pou vale Jonas, e Jonas te nan [r]vant pwason a pandan twa jou ak twa nwit.