ak nan lè sa a,

lè Mwen va restore davni Juda ak Jérusalem,[a]

2 Mwen va [b]rasanble tout nasyon yo

pou mennen yo desann nan vale Josaphat la.

Epi Mwen va [c]antre la nan jijman avèk yo

pou pèp ak eritaj Mwen an, Israël,

ke yo te gaye pami nasyon yo.

Yo te divize tè Mwen an,

3 epi te [d]voye tiraj osò pou pèp Mwen an.

Yo te [e]twoke yon gason pou yon pwostitiye

ak yon fi yo vann pou diven,

pou yo ta ka bwè.”

4 “Anplis, se kisa ou ye pou Mwen, O Tyr, ak Sidon,

ak tout rejyon a Philistine yo?

Èske se yon rekonpans ke n ap ban Mwen?

Men si Mwen pa jwenn rekonpans

byen vit e san delè,

Mwen va fè rekonpans nou an

[f]retounen sou tèt nou.

5 Akoz nou te [g]pran ajan Mwen

ak lò Mwen, e te mennen bagay

presye sakre Mwen yo nan tanp nou yo,

6 epi nou te vann [h]fis a Juda ak Jérusalem yo

bay Grèk yo pou yo ta ka vin rete lwen teritwa yo,

7 gade byen, Mwen va [i]fè yo leve soti

nan plas kote nou te vann yo,

pou retounen rekonpans nou an

sou pwòp tèt nou.

8 Anplis, Mwen va [j]vann fis nou yo

ak fi nou yo nan men a fis a Juda yo.

Konsa, yo va vann yo bay [k]Sabeyen yo,

yon nasyon byen lwen,”

paske SENYÈ a fin pale.

9 Pwoklame sa pami nasyon yo:

[l]“Prepare nou pou fè lagè!

Anime mesye pwisan yo!

Kite tout sòlda yo vin pi pre.

Kite yo monte kote nou.

10 [m]Bat lam cha pou yo fè epe,

ak kwòk rebondaj pou fè lans.

Kite moun fèb yo di: ‘Mwen pwisan!’

11 [n]Fè vit vini, tout nasyon ki ozalantou yo.

Rasanble nou ansanm.”

Fè desann la, O SENYÈ, moun pwisan Ou yo.

12 “Kite nasyon yo leve pwop tèt yo

pou vin monte nan vale Josaphat la;

paske se la Mwen va chita pou jije

tout nasyon ki ozalantou yo.[o]

13 [p]Fè antre boutdigo rekòlt la,

paske [q]rekòlt la vin mi.

Vin mache foule anba pye,

paske pèz diven an vin plen.

Chodyè yo ap debòde, paske mechanste yo vin gran.”

14 [r]Gwo foul yo, gwo foul nan vale desizyon an!

Paske jou SENYÈ a toupre nan vale desizyon an.

15 [s]Solèy la ak lalin nan va vin tou nwa,

e zetwal yo va pèdi briyans yo.

16 Senyè a va gwonde soti nan Sion,

e va sone vwa Li soti Jérusalem.

Syèl yo ak tè a va tranble,

men SENYÈ a se yon [t]refij pou pèp Li a,

ak yon [u]sitadèl pou fis Israël yo.

17 Konsa, nou va [v]konnen

ke Mwen se SENYÈ a, Bondye nou an,

ka p viv nan Sion, mòn sen Mwen an.

Nan lè sa a Jérusalem va sen,

e [w]etranje yo p ap pase ladann ankò.

18 Epi nan jou sa a, mòn yo va degoute diven nèf.

Nan kolin yo, se lèt ki va koule;

tout [x]ravin nan Juda va gen dlo,

epi yon [y]sous va sòti lakay SENYÈ a

pou awoze vale a Sittim nan.

19 Égypte va vin yon dezè,

Edom va vin yon savann dezole,

akoz [z]vyolans ki te fèt sou fis Israël yo,

akoz yo te vèse san inosan an nan peyi yo.

20 Men Juda va gen moun ladann jis pou tout tan

e Jérusalem de jenerasyon an jenerasyon.[aa]

21 Epi Mwen va vanje san ke M potko vanje yo,

paske SENYÈ a rete nan Sion.”[bb]

<- Joël 2