A kilès nan [a]sen fidèl yo ke ou va vire?

2 Paske [b]rankin va touye moun ki plen foli,

e jalouzi va touye moun senp lan.

3 Mwen te wè [c]moun san konprann ki t ap pran rasin,

e byen vit, mwen te denonse kay li.

4 [d]Fis li yo pa jwenn sekirite ditou;

menm nan pòtay la, yo oprime,

ni pa gen moun pou delivre yo.

5 Moun grangou yo devore rekòlt li,

e mennen l yon kote plen pikan.

Epi [e]pelen an rete ovèt pou sezi tout byen yo.

6 Paske [f]malè pa sòti nan pousyè,

ni gwo twoub pa pouse soti nan tè;

7 paske [g]lòm fèt pou gwo twoub,

tankou etensèl dife vole anlè.

8 [h]“Men pou mwen, mwen ta chache Bondye,

pou m ta plede kòz mwen devan Bondye.

9 Bondye Ki konn fè gwo bagay ki depase konesans lan;

mèvèy ki pa kab menm konte yo.

10 Li [i]bay lapli sou tè a,

e voye dlo sou chan yo,

11 Jiskaske [j]Li leve sila ki enb yo,

e sila ki an dèy yo, li leve bay sekou.

12 Li [k]anile manèv a sila ki gen riz yo

pou men yo pa reyisi.

13 Li [l]kaptire saj yo nan pwòp riz pa yo,

e konsèy a moun k ap twonpe moun nan

vin kontrekare byen vit.

14 Nan gwo lajounen, yo [m]jwenn ak tenèb,

e yo egare gwo midi tankou se te lannwit.

15 Men li sove yo de [n]nepe a pwop bouch yo,

e menm malere a chape nan men pwisan an.

16 Akoz sa, sila ki san sekou a gen espwa,

e [o]inikite oblije pe bouch li.

17 “Gade byen kijan nonm

ke Bondye bay chatiman an gen kè kontan.

Konsa, [p]pa meprize disiplin Toupwisan an.

18 Paske se [q]Li menm ki blese,

e se Li menm ki retire blesè a;

Li fè donmaj la, e pwòp men L ki geri l.

19 Soti sis fwa, Li va delivre ou de twoub ou yo;

Menm nan sèt fwa, mal la p ap kab touche ou.

20 Nan gwo grangou Li va delivre ou devan lanmò,

e nan [r]lagè, devan pouvwa nepe a.

21 Ou va pwoteje devan blese a lang lan,

e [s] ou p ap pè vyolans lan lè l vin parèt.

22 Ou va [t]ri devan vyolans ak grangou,

e ou p ap pè bèt sovaj yo.

23 Paske ou va fè alyans ak wòch chan yo,

e [u]bèt sovaj yo va anpè avèk ou.

24 Ou va konnen ke [v]tant ou an pwoteje,

paske ou va vizite lakay ou san krent ni pèt.

25 Anplis, ou va konnen ke [w]desandan ou yo va anpil,

e [x]sila ki sòti nan ou yo anpil tankou zèb latè.

26 Ou va [y]rive nan tonbo a ak tout fòs ou,

tankou gwo sak ble nan sezon li.

27 Gade sa byen; nou te fè ankèt li, e se konsa li ye.

Tande sa e konnen l pou kont ou.”

<- Job 4Job 6 ->