Job 34

1 Alò, Élihu te kontinye. Li te di:

2 “Koute pawòl mwen yo, sila ki saj pami nou.

Koute mwen, nou menm ki gen konesans.

3 Paske [a]zòrèy la fè prèv pawòl yo,

jan bouch la goute manje a.

4 Kite nou chwazi pou nou menm sa ki dwat;

kite nou konnen pami nou menm sa ki bon.

5 Paske Job te di: ‘Mwen dwat, men

[b]Bondye te rache dwa mwen an;

6 èske mwen ta dwe manti selon dwa m?

[c]Blese m se san gerizon, san ke m pa fè transgresyon.’

7 Se kilès ki tankou Job,

k ap [d]bwè giyonnen moun tankou se dlo,

8 ki ale [e]kenbe konpanyen ak sila ki fè inikite yo,

e mache avèk moun malveyan yo?

9 Paske li te di: [f]‘Sa pa fè okenn avantaj pou moun

lè l pran plezi li nan Bondye.’

10 “Pou sa, koute mwen, nou menm ki gen bon konprann.

Fòk se lwen pou Bondye ta [g]fè mechanste,

e pou Toupwisan an fè mal.

11 Paske Li rekonpanse lòm selon [h]zèv li yo,

e fè li jwenn selon chemen li.

12 Anverite, [i]Bondye p ap aji avèk mechanste,

ni Toupwisan an p ap fè jistis vin konwonpi.

13 Se kilès ki te [j]bay Li otorite sou latè?

Epi se kilès ki te poze responsabilite tout mond lan sou Li?

14 Si Li ta pran desizyon pou Li fè; si Li ta [k]ranmase tout a Li menm

pwòp lespri Li a, menm ak souf Li a,

15 Tout [l]chè ta peri ansanm,

e lòm ta [m]retounen nan pousyè.

16 “Men si gen moun bon konprann, koute sa a;

koute vwa pawòl mwen yo.

17 Èske menm [n]yon moun ki rayi jistis ta dwe renye?

Èske ou va kondane Sila ki dwat e pwisan an,

18 ka p di a yon wa: ‘Sanzave’,

a prens yo: ‘Nou mechan’;

19 Ki p ap montre [o]patipri a prens yo,

ni rich yo kon pi enpòtan ke pòv,

paske tout moun se zèv a men Li ke yo ye.

20 Nan yon moman, yo mouri;

epi [p]nan mitan lannwit, yon pèp vin etone.

Pwisan yo disparèt.

Yo retire san yon men leve.

21 “Paske [q]zye Li sou chemen a yon nonm.

Li wè tout pa li fè.

22 Nanpwen [r]fènwa, ni lonbraj fonse

kote malfektè inikite yo kab kache kò yo.

23 Paske Li pa [s]bezwen obsève yon nonm anpil

pou li ta dwe pase an jijman devan Bondye.

24 Li kraze [t]moun pwisan an an mòso, jan nou pa menm konprann,

e mete lòt moun nan plas yo.

25 Se konsa, Li [u]konnen zèv yo.

Li boulvèse yo nan lannwit, e yo kraze nèt.

26 Li [v]frape yo tankou mechan

nan yon kote pou tout moun wè,

27 Akoz yo [w]vire akote nan swiv Li, e pat okipe chemen Li yo;

28 akoz yo te fè [x]kri a malere a rive kote Li.

Li te tande kri a aflije yo.

29 Lè L rete an silans, se kilès ki kab kondane L?

Epi lè L kache figi Li, alò, se kilès ki kab wè L?

Li pli wo ke nasyon, ni lòm,

30 pou [y] anpeche moun ki san Bondye yo vin

reye, ke pa vin gen yon pèlen pou pèp yo.

31 “Paske èske nenpòt kon di Bondye,

‘Mwen koupab, mwen p ap fè ofans ankò;

32 enstwi mwen sa ke m pa wè.

Si mwen te [z]fè inikite, mwen p ap fè l ankò’?

33 Èske Li va [aa]rekonpanse ak plan pa ou a, pou ou ka refize li?

Paske se ou menm ki oblije chwazi; se pa mwen.

Pou sa a, deklare sa ke ou konnen.

34 Moun ak bon konprann va di mwen,

oswa yon nonm saj ki tande m va di:

35 ‘Job [bb]pale san konesans;

pawòl li yo san sajès.

36 Mwen ta pito yo fè pwosè kont Job,

jis rive nan tout limit li,

akoz li reponn [cc]tankou moun mechan yo.

37 Paske li ogmante [dd]rebelyon sou tout lòt peche l yo.

Li bat men li pami nou,

e ogmante pawòl li yo kont Bondye.’ ”