e koute tout pawòl mwen yo.

2 Gade byen, se koulye a mwen ouvri bouch mwen.

Se lang nan bouch mwen ki pale.

3 Pawòl mwen yo sòti nan ladwati kè mwen,

e lèv mwen pale [b]soti yon kè ki renmen verite a.

4 Se [c]Lespri Bondye ki te fè m,

e souf Toupwisan an ki ban m lavi.

5 [d]Di m se pa sa, si ou kapab.

Alinye pawòl ou yo an lòd devan m, e kanpe.

6 Men gade byen, mwen se moun Bondye menm jan tankou ou.

Mwen menm tou te fèt ak [e]ajil la.

7 Gade byen, se pa [f]okenn krent mwen gen,

ki ta bay ou laperèz,

ni se pa akoz fòs pwa balans mwen an,

ke ou ta twouve chaj la lou.

8 “Anverite, ou te pale kote pou m ta tande,

e mwen te tande son a pawòl ou yo.

9 Job te di: ‘Mwen san tach, san transgresyon;

mwen inosan e [g]nanpwen koupabilite nan mwen.

10 Gade byen, Li envante pretèks kont mwen;

Li [h]kontwole m tankou lènmi.

11 Li [i]mete pye mwen nan sèp;

Li veye tout chemen mwen yo.’

12 “Gade byen Job, kite mwen di ou, [j]ou pa gen rezon nan sa,

paske Bondye pi gran ke lòm.

13 Poukisa ou [k]plenyen kont Li

ke Li pa eksplike ou tout zak Li yo?

14 Anverite, [l]Bondye pale yon fwa, oswa de fwa,

men pèsòn pa okipe sa.

15 Nan yon [m]rèv, yon vizyon nan nwit la,

lè dòmi pwofon kon tonbe sou lòm,

pandan yo nan somèy sou kabann yo,

16 konsa, [n]Li ouvri zòrèy a lòm

e mete so sou enstriksyon yo,

17 pou Li kapab vire lòm pou chanje kondwit li

e anpeche li fè ògèy.

18 Konsa, Li [o]pwoteje nanm li pou l pa rive nan fòs la

e lavi li pou l pa lantre [p]nan Sejou Lanmò a.

19 “Lòm, anplis, resevwa chatiman [q]doulè sou kabann li;

avèk plent san rete jis rive nan zo li;

20 jiskaske lavi li vin [r]rayi pen,

e nanm li, manje ke li te pi renmen an.

21 [s]Chè li epwize vin disparèt pou moun pa wè l

e zo li yo ki pa te konn vizib pouse vin parèt.

22 [t]Nanm li vin rale toupre fòs lanmò a

e lavi li pwoche sila kap detwi yo.

23 “Si gen yon zanj pou ta [u]entèsede pou li,

se tankou youn nan yon milye,

ki pou ta fè yon moun sonje sa k ap bon pou li,

24 konsa, Bondye fè l gras. Li di l:

‘Delivre li pou l pa rive nan fòs lanmò a,

Mwen te twouve yon [v]racha.’

25 Kite chè li vin pi fre ke li te ye nan jenès li.

Kite li retoune nan jou a fòs jenès li yo.

26 Konsa, li va [w]priye a Bondye,

e Li va aksepte li, pou l kab wè figi L plèn ak jwa.

Se konsa, Li restore ladwati a lòm.

27 Li va chante devan lèzòm. Li va di:

“Mwen te peche, mwen te konwonpi sa ki dwat,

e li pa t bon pou mwen.

28 Li te rachte nanm mwen pou l pa rive nan fòs lanmò a,

e lavi m [x]va wè limyè a.’

29 “Gade byen, Bondye konn fè [y]tout bagay

sa yo de fwa, menm twa fwa ak yon nonm,

30 pou [z]mennen nanm li fè l sòti kite fòs lanmò a,

pou l kab eklèsi ak limyè lavi a.

31 Prete atansyon, O Job, koute m byen;

rete an silans e kite mwen pale.

32 Si ou gen yon bagay pou di, alò, reponn mwen;

pale, paske mwen vle ba ou rezon.

33 Men si non, koute mwen;

rete an silans, e mwen va montre ou sajès.”

<- Job 32Job 34 ->