alò kòman konsa mwen ta kab voye rega mwen sou yon vyèj?

2 Paske se kisa ki [b]pòsyon Bondye soti anwo a,

ak eritaj a Toupwisan an soti anwo a?

3 Èske li pa yon malè pou sila ki pa dwat yo,

ak yon dezas pou [c]sila ki fè inikite yo?

4 Èske Li pa [d]wè chemen mwen yo

e kontwole tout pa mwen yo?

5 “Si mwen te [e]mache nan sa ki fo,

e pye m te kouri dèyè twonpe moun,

6 (kite Li [f]peze mwen nan yon balans ki jis

e kite Bondye konnen entegrite m).

7 Si pa m yo te [g]vire kite chemen an,

oswa kè m te swiv zye m,

oswa si gen yon tach ki kole sou men m,

8 kite mwen [h]simen pou yon lòt ta manje,

e kite tout sa m plante vin rache.

9 “Si kè m te [i]sedwi pa yon fanm,

oswa mwen te mize nan pòtay vwazen mwen,

10 kite madanm mwen graje pou yon lòt

e kite [j]lòt yo vin kouche sou li.

11 Paske sa ta yon krim [k]sansyèl;

anplis, li ta yon inikite ki ta dwe jije.

12 Paske li ta yon dife ki pou limen jis rive nan [l]Sejou Lanmò yo

e ta derasine tout byen mwen ranmase yo.

13 Si mwen te [m]refize demand esklav mwen an,

gason kon fanm, lè l te fè yon plent kont mwen,

14 alò, kisa mwen ta kab fè lè Bondye leve?

Konsa, lè L rele m pou jijman,

ki repons mwen ta kab bay Li?

15 Èske [n]Sila ki te fè m nan vant lan pa t fè li menm tou?

Se pa Li sèl ki te fòme nou nan vant lan?

16 Si mwen te [o]anpeche malere yo nan dezi yo,

oswa te fè zye a vèv la pa wè klè,

17 oswa te manje pòsyon pa mwen pou kont mwen

san [p]òfelen an pa jwen ladann,

18 (Men depi jenès mwen, òfelen an te grandi avè m tankou papa l

e soti nan anfans lan, mwen te fè gid pou vèv la),

19 si mwen te wè yon moun peri akoz mank rad,

oswa ke [q]sila ak bezwen pa t gen anyen pou kouvri l,

20 si kè li pa t beni m,

si li pa t chofe ak lenn mouton mwen an,

21 si mwen te leve men m kont [r]òfelen an,

akoz mwen te wè soutyen mwen nan pòtay la,

22 alò, kite zepòl mwen tonbe sòti nan zepòl li,

e [s]bra m kase soti nan zo li.

23 Paske m pè anpil malè Bondye a.

Li tèlman gran ak [t]majeste,

m pa ka fè anyen devan L.

24 Si se nan [u]lò mwen te mete espwa m,

pou m te di lò fen a, ‘se ou ki konfyans mwen,’

25 Si mwen te [v]rejwi akoz byen mwen yo te tèlman gran,

e akoz men m te tèlman ranmase anpil;

26 si mwen te [w]gade solèy la lè l t ap brile,

oswa lalin nan lè li prale nan bèlte li,

27 epi kè m te vin sedwi an sekrè,

e men mwen te voye yon bo ki sòti nan bouch mwen,

28 sa osi ta yon inikite ki merite jijman,

paske mwen t ap [x]abandone Bondye anwo a.

29 Èske mwen te [y]rejwi lè lènmi m te vin disparèt nèt?

Oswa bat men m lè mal vin rive li?

30 Non, [z]mwen pa t kite bouch mwen peche,

ni mwen pa t mande pou l ta mouri avèk malediksyon.

31 Èske mesye nan tant mwen yo pa t di:

‘Ou pa p twouve yon moun ki pa [aa]satisfè ak vyann pa li a?’

32 Etranje a pa t rete deyò;

mwen te ouvri pòt mwen yo a vwayajè a.

33 Èske m te [bb]kouvri transgresyon mwen yo tankou Adam?

Oswa kache inikite mwen nan kè mwen,

34 akoz mwen te [cc]krent gwo foul la?

Oswa akoz krent gwo wont lan devan lòt fanmi yo,

te kenbe silans mwen e pa t sòti deyò?

35 O ke m te gen yon moun ki pou tande mwen!

Gade byen, men otograf mwen! Kite Toupwisan an reponn mwen!

Mennen pwosè vèbal ke [dd]akizè a te ekri.

36 Anverite, mwen ta pote l sou zepòl mwen;

mwen ta mare l sou mwen tankou yon kouwòn.

37 Mwen ta deklare a Li fòs kantite pa pye mwen yo pran.

Tankou [ee]yon prens mwen ta parèt devan L.

38 Si menm [ff]teren mwen an rele kont mwen,

e tout tranch li yo kriye ansanm;

39 si mwen te manje fwi li san lajan,

oswa te [gg]kòz ke mèt li yo te pèdi lavi yo,

40 kite [hh]pikan yo grandi olye ble

e zèb santi fò ranplase lòj la.”