2 “Èske yon [a]nonm plen kouraj kapab itil a Bondye?

Byen klè yon nonm saj se itil a pwòp tèt li.

3 Èske Toupwisan an pran plezi nan ladwati ou,

oswa twouve pwofi si chemen ou yo san fot?

4 Èske se akoz krentif la menm ou gen pou Bondye

ke L ap repwoche ou?

Ke l ap [b]antre nan jijman kont ou?

5 Se pa ke [c]mechanste ou gran

e inikite ou yo san limit?

6 Paske ou te [d]pran garanti a frè ou yo san koz

e te menm retire rad pa yo jis yo vin toutouni.

7 A moun fatige yo, ou [e]pa t bay dlo pou bwè

e a grangou yo, ou te [f]refize yo pen.

8 Men posede tè a se pou nonm ki pwisan an,

e se [g]moun entèg ki viv ladann.

9 Ou te voye vèv yo ale men vid

e te kraze fòs a [h]òfelen yo.

10 Akoz sa, pèlen yo antoure ou,

e [i]laperèz, sibitman, vin bay ou gwo lakrent,

11 oswa se [j]fènwa pou ou pa kab wè

ak anpil dlo ki kouvri ou.

12 “Èske Bondye pa [k]nan wotè syèl la?

Menm anplis, gade zetwal byen lwen yo; kijan yo wo!

13 Ou di: [l]‘Kisa Bondye konnen?

Èske Li kab jije nan fènwa pwofon an?

14 [m]Nwaj yo se yon plas pou L kab kache,

pou L pa kab wè.

Se anwo plafon syèl la l ap mache.’

15 Èske ou va kenbe [n]ansyen chemen a,

kote mesye mechan yo te mache,

16 ki te rachte avan lè yo,

ki te lese fondasyon ki lave a

retire nèt pa rivyè a?

17 Yo te [o]di a Bondye: ‘Kite nou!’,

Epi: ‘Kisa Toupwisan an kab fè pou nou?’

18 Sepandan, Li te [p]ranpli lakay yo ak bon bagay;

men [q]konsèy a mechan yo lwen m.

19 [r]Moun ladwati yo wè, yo fè kè kontan.

Inosan yo moke yo.

20 Yo di: ‘Anverite, advèsè nou yo koupe retire nèt.

E [s]dife a fin manje retay yo.’

21 [t]“Vin konnen L depi koulye a e fè lapè avè L;

se konsa, sa ki bon va rive kote ou.

22 Souple, resevwa [u]enstriksyon nan bouch Li

e etabli pawòl Li yo nan kè ou.

23 Si ou retounen bò kote Toupwisan an,

ou va restore,

si ou [v]retire inikite a byen lwen tant ou.

24 [w]Mete riches ou nan pousyè a,

lò Ophir a pami wòch kouran dlo yo.

25 Alò, se Toupwisan an ki va riches ou,

e pi bèl ajan pou ou.

26 Paske konsa ou va [x]rejwi nan Toupwisan an,

e leve figi ou vè Bondye.

27 Ou va priye a Li menm, e [y]Li va tande ou.

Ou va peye ve ou yo.

28 Anplis, ou va fè yon dekrè e li va etabli pou ou;

konsa limyè va briye sou wout ou.

29 Lè ou santi ou vin ba, alò ou va pale ak konfyans,

e moun ki [z]enb lan, Li va sove li.

30 Li va delivre menm sila ki pa inosan yo,

e [aa]delivrans sa a va fèt akoz men ou ki pwòp.”

<- Job 21Job 23 ->