2 “Akoz sa a, tout refleksyon k ap boulvèse m yo, fè m fè repons,

menm akoz tout anndan m tèlman ajite.

3 Mwen tande [a]repwòch ki fè m wont.

Konsa, lespri bon konprann mwen fè m reponn.

4 Èske ou pa konnen bagay sa a depi nan [b]tan ansyen an,

depi lòm te mete sou latè,

5 Ke [c]viktwa a mechan yo kout,

e [d]jwa a enkwayan an se pou yon moman?

6 Malgre wotè li ta [e]rive nan syèl la,

pou tèt li ta touche nwaj yo,

7 l ap [f]peri nèt tankou fatra.

Sila ki te konn wè li yo va di: ‘Kibò li ye?’

8 Li vole ale tankou yon [g]rèv, e yo pa kab jwenn li.

Menm tankou yon rèv lannwit, li fin [h]chase ale.

9 [i]Zye ki te wè l la pa wè l ankò,

e plas li a pa gade li ankò.

10 [j]Fis li yo fè byen pou malere yo,

e men yo [k]remèt byen li yo.

11 [l]Zo li yo plen ak fòs jenès li,

men li kouche ansanm avè l nan pousyè a.

12 “Sepandan, [m]mechanste dous nan bouch li

e li kache li anba lang li,

13 Li pito mal la, e refize lage l,

men kenbe li [n]nan bouch li,

14 men manje nan vant li vire.

Li tounen pwazon vipè anndan l.

15 Li te vale richès,

men [o]vomi fè yo retounen vin parèt.

Bondye va fè yo sòti nan vant li.

16 Li souse [p]pwazon koulèv yo;

lang a vipè a kap touye li.

17 Li pa gade [q] dlo yo ankò,

ni rivyè ki koule yo ak siwo ak bòl lèt yo.

18 Li [r]remèt sa ke li te pran an.

Li pa kab vale l.

Afè richès a komès li yo,

li pa kab menm rejwi de yo.

19 Paske li te [s]oprime e abandone malere yo.

Li te sezi yon kay ke li pa t bati.

20 “Akoz li pa t kab kalme kè l,

li pat kab [t] kenbe anyen nan sa li renmen.

21 Anyen pat rete ke li pat devore;

akoz sa a, [u] byen li yo pat dire.

22 Ranpli ak tout bagay li, li va jennen;

[v] men a tout moun ki soufri yo va vini kont li.

23 Lè li [w] plen vant li, Bondye va voye kòlè fewòs pa Li sou li.

Lapli va tonbe sou li pandan l ap manje.

24 Li kapab [x] sove ale devan zam fèt ak fè a,

men banza fèt an bwonz lan va tire frennen l.

25 L ap rale sòti parèt dèyè do li,

menm pwent glise a soti nan fyèl li.

[y] Gwo laperèz va parèt sou li.

26 Fènwa nèt rezève kon trezò li,

e [z] flanm dife san van an va devore li.

Li va manje tout sa ki rete nan tant li an.

27 [aa] Syèl yo va revele inikite li

e tè a va leve kont li.

28 [bb] Riches lakay li va pati,

posesyon li yo va ale [cc]nan jou kòlè Li a.

29 Sa se [dd] pòsyon a moun mechan

k ap sòti nan men Bondye,

sa se eritaj ke Bondye òdone pou bay li.”

<- Job 19Job 21 ->