2 Èske yon nonm saj ta dwe bay repons

ak konesans ki sòti nan van,

[a]e ki plen tèt li avèk van lès?

3 Èske li ta diskite ak pale initil,

oswa ak pawòl ki pa gen valè?

4 Anverite, ou manke respè Bondye

e ou siprime tout kalite bon refleksyon devan Bondye.

5 Paske se [b]koupabilite ou ki enstwi bouch ou,

e ou chwazi langaj a rizye yo.

6 [c]Pwòp bouch ou kondane ou, pa mwen;

epi pwòp lèv ou fè temwayaj kont ou.

7 “Èske se ou ki te premye la ki te fèt sou tè a,

oswa [d]èske ou te fèt avan tout kolin yo?

8 Èske ou konn tande [e]konsèy sekrè a Bondye yo,

oswa èske tout sajès se pou ou sèl?

9 [f]Kisa ou konnen ke nou pa konnen?

Èske ou konprann sa nou pa kapab konprann?

10 Genyen ni granmoun ak moun [g]cheve blanch pami nou,

ki pi gran pase papa ou.

11 Èske konsolasyon Bondye a twò piti pou ou,

menm mo ki pale ak dousè avèk ou yo?

12 Poukisa a[h]kè ou pote ou rive lwen konsa?

Epi poukisa zye ou yo vin limen konsa?

13 Pou ou ta vire lespri ou kont Bondye e

kite pawòl parèy a sila yo sòti nan bouch ou?

14 Kisa lòm nan ye pou [i]li ta kab san tach,

oswa [j]sila ki fèt de fanm nan pou ta kab dwat?

15 Gade byen, Li pa mete konfyans menm nan [k]sen Li yo

e menm syèl yo pa san tach nan zye Li;

16 konbyen anmwens, yon moun ki degoutan e konwonpi;

lòm ki [l]bwè inikite kon dlo a!

17 “M ap di ou, koute m byen;

sa mwen konn wè, anplis m ap deklare li;

18 [m]sa ke moun saj konn pale

e ki pa t kache sòti de papa pa yo,

19 A sila yo menm sèl ke tè a te donnen,

e pa t gen etranje ki te pase pami yo.

20 Moun mechan an vire tounen [n]nan pwòp doulè li tout tan,

e fòs lane pou moun mechan yo byen kontwole.

21 Bri laperèz sone nan zòrèy li.

[o]Pandan li anpè, destriktè a rive sou li.

22 Li pa gen espwa [p]sòti nan tenèb la.

Desten li se [q]nepe.

23 Li mache egare pou chache manje epi di:

‘Kote li ye?’

Konsa, li konnen ke [r]jou tenèb la gen tan rive.

24 Twoub ak gwo soufrans fè l gen gwo laperèz.

Yo fè l soumèt tankou yon wa ke yo prèt pou atake.

25 Paske li fin lonje men l kont Bondye

e aji ak [s]awogans kont Toupwisan an.

26 Li kouri kou rèd sou li tèt avan

avèk gwo boukliye li.

27 Paske li fin [t]kouvri figi li ak grès li,

e fè kwis li vin lou ak chè.

28 Li te [u]viv nan vil dezole yo,

nan kay kote pèsòn pa ta rete yo,

ki fèt pou vin dekonble nèt.

29 Li [v]p ap vin rich, ni fòtin li p ap dire;

tèt sereyal li yo p ap janm bese rive atè.

30 Li p ap [w]chape nan tenèb la.

Flanm nan va seche tout boujon li yo.

Kon [x]souf bouch li, lap wale nèt.

31 Pa kite li [y]mete konfyans nan gwo vid la.

Sa a ta yon desepsyon;

paske gwo vid la va sèvi kon rekonpans li.

32 Sa va vin rive [z]avan lè li.

Branch palmis li p ap vèt.

33 Li va souke retire rezen li ki potko mi soti nan pye rezen a,

e va [aa]jete flè li kon pye oliv la.

34 Paske konpanyen a enkwayan yo va byen esteril,

epi se dife kap brile tant anba pwès yo.

35 Yo [bb] plante mal la, e yo rekòlte inikite;

epi se desepsyon k ap jèmen nan panse yo.”

<- Job 14Job 16 ->