Job 13

1 [a]“Veye byen, zye m gen tan wè tout sa.

Zòrèy mwen tande e konprann li.

2 [b]Sa ou konnen yo, mwen konnen yo tou;

mwen pa pi ba pase ou.

3 “Men [c]mwen ta pale ak Toupwisan an;

mwen vle diskite ak Bondye.

4 Men nou [d]sal moun ak manti.

Se yon bann [e]doktè sanzave nou ye.

5 Oswa pito ke ou ta [f]rete an silans nèt;

ke sa ta sèvi kon sajès ou!

6 Souple, tande pawòl mwen, e koute mo a lèv mwen.

7 Èske ou kab [g]pale pou Bondye sa ki pa jis,

e pale sa ki manti pou Li?

8 Èske ou va [h]pran ka pa Li?

Èske ou va diskite pou Bondye?

9 Èske sa va sòti byen lè Li bay ou egzamen?

Oswa [i]èske ou va twonpe Li

kon yon moun konn twonpe yon moun?

10 Anverite, Li va repwoche ou

si ou apye yon bò ak patripri.

11 Èske [j]majeste Li p ap bay ou lakrent?

Laperèz Li p ap tonbe sou ou?

12 Ansyen pwovèb ou yo se pwovèb ki fèt ak sann;

defans ou yo se defans ki fèt ak ajil.

13 [k]“Rete an silans devan m pou m kab pale;

epi kite nenpòt sa ki rive m k ap rive.

14 Poukisa mwen ta mete chè m nan pwòp dan m

e [l]mete lavi m nan men m?

15 [m]Malgre Li ta touye mwen,

mwen va mete espwa m nan Li.

Malgre, mwen va [n]fè diskou chemen mwen yo devan L.

16 Se sa, anplis, ki va [o]delivrans mwen;

paske yon enkwayan p ap parèt nan prezans Li.

17 Koute pawòl mwen byen pre e

kite deklarasyon mwen yo ranpli zòrèy ou.

18 Tande koulye a, mwen te prepare ka mwen an;

mwen konnen ke [p]mwen va jistifye.

19 [q]Se kilès ki va diskite kont mwen?

Paske konsa, mwen ta rete anpè e mouri.

20 “Se sèl de bagay pou pa fè mwen;

konsa mwen p ap kache devan figi Ou:

21 [r]Retire men Ou sou mwen e

pa kite laperèz Ou fè m sezi.

22 Epi rele e [s]mwen va reponn;

oswa kite m pale epi reponn mwen.

23 [t]Fè m wè fòs kantite inikite mwen yo

avèk peche m yo?

Fè m rekonèt rebelyon mwen ak peche m yo.

24 Poukisa Ou [u]kache figi Ou e

konsidere m kon [v]lènmi Ou?

25 Èske Ou ta fè yon fèy k ap vole nan van tranble?

Oswa èske Ou va kouri dèyè [w]pay van an seche a.

26 Paske Ou ekri [x]bagay anmè kont mwen

e [y]fè m eritye tout inikite a jenès mwen yo.

27 Ou [z]mete pye m nan chenn e

ou veye tout chemen mwen yo.

Ou limite distans pla pye m kab rive,

28 pandan mwen ap dekonpoze

kon yon [aa]bagay k ap pouri,

kon yon vètman ki manje pa mit.”