paske li te [a]chire nou,

men Li va geri nou.

Li te blese nou,

men [b]Li va panse nou.

2 Li va [c]fè nou vin refè apre de jou;

Nan twazyèm jou a Li va fè nou leve.

Konsa, nou va viv devan Li.

3 Annou [d]rekonèt SENYÈ a;

annou refize lage pou nou ka konnen SENYÈ a.

[e] Aparans Li asire tankou solèy

k ap leve granmmaten.

Konsa, Li va vini sou nou tankou lapli,

tankou lapli prentan k ap wouze latè.

4 Kisa pou M fè ak ou, O Éphraïm?

Kisa pou M fè ak ou, O Juda?

Paske fidelite ou tankou nwaj nan maten,

tankou farinay ki disparèt bonè.

5 Akoz sa, Mwen te taye yo an mòso ak pwofèt yo;

Mwen te touye yo ak [f]pawòl bouch Mwen.

Jijman Ou yo se tankou loray k ap tire.

6 Paske, Mwen [g] pito mizerikòd [h] olye sakrifis,

epi konesans Bondye a plis ke ofrann brile.

7 Men [i] yo menm, tankou Adam te [j]kase transgresyon akò a.

La, yo pa t fidèl anvè Mwen.

8 Galaad se yon vil ki plen ak malfektè,

plen ak tach san.[k]

9 Epi tankou bandi k ap tann yon moun;

konsa, yon twoup prèt asasine moun

sou wout pou rive Sichem nan.

Se gwo krim y ap fè.

10 Nan lakay Israël, Mwen te wè yon [l] move bagay.

Gen pwostitisyon nan Éphraïm.

Israël souye pwòp tèt li.

11 Ou menm tou, O Juda!

Gen yon [m]rekòlt ki deja apwente pou ou menm,

lè Mwen retabli byennèt pèp Mwen an.

<- Osée 5Osée 7 ->