Ebre Yo 8

1 Koulye a, pwen prensipal nan sa ki te di a se sa: “Nou gen yon si tèlman wo prèt ki pran plas Li [a]adwat a twòn Majeste a nan syèl yo.” 2 Pou Li aji kòm sèvitè nan sanktyè a, ak nan [b]vrè tabènak la ke Senyè a, olye lòm te fè leve.

3 Paske chak [c]wo prèt nonmen pou ofri ni don ni sakrifis. Konsa li nesesè pou wo prèt sila a gen yon bagay pou l ofri tou. 4 Alò, si Li te sou latè, Li pa t ap yon prèt menm, paske pou sa a, gen sila yo ki [d]ofri don yo selon Lalwa, 5 ki sèvi kòm yon kopi ak lonbraj a bagay selès yo, jis jan ke Moïse te avèti pa Bondye lè Li te prèt pou leve tabènak la, paske [e]“Veye” Li te di: “pou ou fè tout bagay selon modèl ki te montre a ou menm sou mòn nan.”

6 Men koulye a, Li vin gen yon èv ki pi ekselan, paske Li se osi [f]medyatè a yon pi bon akò, ki te etabli sou pi bon pwomès yo.

7 Paske [g]si premye akò sa a te san defo, pa t ap gen yon rezon pou yon dezyèm. 8 Paske akoz Li twouve fot nan yo, Li di:

[h]“Gade byen, jou yo ap vini, di Senyè a,

lè Mwen va fè yon akò tounèf avèk kay Israël la

e avèk kay Juda a;

9 [i]Pa tankou akò ke Mwen te fè avèk zansèt pa yo

nan jou ke M te pran yo nan men

pou mennen yo sòti an Égypte la;

paske yo pa t kontinye nan akò Mwen an

e Mwen pa t okipe yo, di Senyè a.

10 [j]Paske sa se akò ke Mwen va fè avèk kay Israël la

apre jou sa yo, di Senyè a:

Mwen va mete Lalwa Mwen nan panse yo,

e Mwen va ekri yo nan kè yo.

Mwen va Bondye yo,

e yo va pèp Mwen.

11 [k]Epi yo p ap enstwi chak sitwayen parèy a yo

ak chak frè a yo, pou di: ‘Vin konnen Bondye’,

paske tout moun ap deja konnen Mwen, soti nan

pi piti jiska pi gran nan yo.

12 [l]Paske Mwen va gen mizerikòd pou linikite pa yo

e Mwen p ap sonje peche yo ankò.

13 Lè L te di: [m]“Yon akò tounèf”, Li fè premye a epwize nèt. Men, nenpòt sa ki vin epwize a, e ki vin vye, prè pou vin disparèt.

<- Ebre Yo 7 Ebre Yo 9 ->