HABACUC

1 [a]Pwofesi ke Habacuc, pwofèt la te wè. 2 [b]Pandan konbyen tan, O SENYÈ, mwen va kriye sekou e Ou pa tande? Mwen kriye a Ou menm, “Vyolans!” Men Ou [c]pa delivre. 3 Poukisa Ou fè m wè inikite, e Ou gade sou tout mechanste yo? Wi, se [d]destriksyon ak vyolans ki devan mwen; [e]gwo konfli ak kont k ap leve toupatou. 4 Akoz sa, yo vin pa okipe yo de lalwa e jistis la pa janm avanse. Paske mechan yo vin antoure moun ladwati yo. Lajistis tòde nèt.[f]

5 “Gade pami nasyon yo! Obsève byen! Se pou nou vin sezi e menm etone! Paske Mwen ap fè nan jou pa w yo, yon bagay ke ou pa t ap kwè, malgre ke ou ta tande l. 6 Paske, gade byen, Mwen ap [g]leve Kaldeyen yo, pèp fewòs e san kontwòl sa a, k ap mache sou tout tè a pou [h]sezi kote ki pa pou yo. 7 Yo plen tout moun ak gwo [i]laperèz, ak lakrent. [j]Jistis ak otorite pa yo sòti sèl nan yo menm. 8 [k]Chevalye yo pi vit ke leyopa, e pi vijilan ke [l]lou lannwit. Chevalye yo vin galope. Chevalye yo sòti lwen. Yo vole tankou èg k ap plonje desann pou devore. 9 Yo tout vini pou fè vyolans. Nan rega pa yo [m] se an avan. Yo ranmase kaptif tankou sab. 10 Yo giyonnen wa yo e yo moke gouvènè yo. Yo pase tout bastyon yo nan tenten. Yo sanble ranblè tè yo e yo sezi yo. 11 Tankou [n]van yo va vole pase, pou yo ale nèt. Yo vrèman [o]koupab; yo mete fòs yo nan dye pa yo a.”

12 Èske se pa nan letènite Ou sòti, O SENYÈ, Bondye mwen an, Sila Ki Sen mwen an? Nou p ap mouri. Ou menm, O SENYÈ, Ou te dezinye yo pou jijman an. Ou menm, O Woche a, Ou te etabli yo pou pinisyon. 13 Zye Ou twò pafè pou gade mal, e Ou pa ka menm gade mechanste. Poukisa Ou sipòte sila ki trèt yo? Poukisa Ou rete an silans pandan mechan yo ap vale sila ki pi jis pase yo?[p] 14 Poukisa kite yo fè lòm tankou pwason lanmè, tankou sila k ap trennen atè ki pa gen gouvènè sou yo? 15 Pou Kaldeyen yo, yo [q] rale yo fè yo tout monte ak yon zen. Yo [r]rale pote yo ale ak pèlen, e ranmase yo ansanm nan filè pwason. Se konsa y ap rejwi e fè kè kontan. 16 Tout sa, akoz yo ofri yon sakrifis a filè yo; yo brile lansan nan filè a; paske pa bagay sa yo, lavi a vin bon, e manje yo vin anpil. 17 Èske se konsa yap kontinye vide filè yo, e kontinye [s]detwi nasyon yo san mizerikòd?