1 Anplis, [a]sonje Kreyatè ou a nan jou jenès ou yo,

avan move jou yo rive e ane yo pwoche lè ou va di:

“Mwen pa pran plezi nan yo;”

2 Avan [b]solèy la ak limyè a, lalin nan ak zetwal yo vin tounwa,

e nwaj yo retounen apre lapli yo;

3 nan jou ke gadyen kay la tranble a,

e mesye pwisan yo vin [c]koube a.

Lè sa yo k ap moule a rete san travay

akoz anpil nan yo ki manke,

e sila k ap gade nan fenèt yo vin mal pou wè.

4 Lè pòt vè lari yo vin fèmen akoz bri moulen an vin ba,

e yon moun va leve ak son zwazo a,

epi tout fi chanson yo va rete ba.

5 Anplis mesye yo va vin pè yon wo plas

ak gwo danje k ap vini a.

Lè pye zanmann nan fleri, krikèt volan rale kò l olon wout la,

e dezi gason an pa ka.

Paske lòm nan ap prale nan [d]kay etènèl li a,

pandan sila k ap fè dèy yo vire toupatou nan wout la.

6 Sonje Li avan kòd ajan an kase,

e [e]bòl an lò a kraze kivèt dlo la kote pwi a vin fann,

e wou sitèn nan vin kraze.

7 Paske konsa pousyè la va retounen nan tè a jan li te ye a,

e lespri a va retounen kote [f]Bondye ki te bay li a.

8 [g]“Vanite sou vanite”, predikatè a di: “tout se vanite!”

9 Anplis akoz li te yon nonm saj, predikatè a te enstwi pèp la ak konesans. Wi, li te reflechi, chache twouve, e te aranje [h]anpil pwovèb. 10 Predikatè a te chache jwenn bèl mò pou ekri [i]pawòl verite yo byen kòrèk. 11 [j]Pawòl a moun saj yo tankou pwent pike bèt yo ye; tankou klou ki kloure nèt, se konsa ansanm a pawòl sila yo ye. Se yon sèl Bèje ki bay yo tout.

12 Men anplis ke sa, fis mwen, veye byen: ekri [k]anpil liv se yon bagay san rete, e anpil devosyon a liv yo va fatige kò ou. 13 Konklizyon lè tout bagay fin tande se: [l]Gen lakrent Bondye e kenbe kòmandman li yo, akoz se sa ki aplike a tout moun. 14 Paske [m]Bondye va pote tout zèv nan jijman; tout sa ki kache, kit li bon kit li mal.

<- Eklezyas 11