1 ✡Nonb 21:4“Epi nou te vire pati vè dezè a pa chemen Lamè Wouj la, jan SENYÈ a te pale mwen an, e nou te ansèkle Mòn Séir pandan anpil jou.

2 “Epi SENYÈ a te pale avèk mwen. Li te di: 3 ‘Nou gen tan fin ansèkle mòn sa a pandan ase de tan. Vire bò kote nò a. 4 Kòmande pèp la e di yo: “Nou va pase nan ✡Jen 36:8teritwa frè nou yo, fis a Ésaü yo ki rete Séir, e✡Egz 15:15-16yo va pè nou. Pou sa, fè atansyon. 5 Pa bourade yo, paske Mwen p ap bannou okenn nan tè pa yo, menm yon ti mòso, ✡Jen 36:8paske Mwen te bay Ésaü Mòn Séir pou posede l. 6 Nou va achte manje nan men yo avèk lajan pou nou kapab manje. Epi nou va, osi, achte dlo pou bwè nan men yo avèk lajan nou.” ’ ”

7 “Paske SENYÈ a te beni nou nan tout sa nou te fè. Li te konnen tout vwayaj nou yo nan gran dezè sila a. Pandan ✡Nonb 14:33karantan sa yo, SENYÈ a, Bondye nou an, te avèk nou. Nou pa t manke anyen.”

8 “Pou sa, nou te pase devan kite frè nou yo, fis a Esaü ki rete Séir yo, lwen wout Araba a, lwen Élath ak ✡Nonb 33:35Etsjon-Guéber. Konsa, nou te vire pase nan chemen dezè Moab la.

9 “Alò, SENYÈ a te di mwen, ‘Pa menase Moab, ni pa fè pwovokasyon lagè, paske Mwen p ap bannou okenn nan peyi pa yo pou posede. Paske Mwen te bay Ar a ✡Jen 19:36-37fis a Lot yo kòm posesyon.’

10 “(Avan, se te pèp ✡Jen 14:5Émim ki te rete la; yon gwo pèp, gran an kantite, e wo menm jan ak Anakim (jeyan yo). 11 Tankou Anakim yo, yo konnen kòm ✡Jen 14:5Rephaïm; men Moabit yo, te rele yo Émim. 12 Otrefwa, se te ✡Jen 36:20Oriyen yo ki te rete Séir, men fis a Esaü yo te deplase yo, te detwi yo devan yo, e yo te vin rete nan plas yo, jis jan ke Israël te fè lè yo te vin posede peyi pa yo ke SENYÈ a te bay yo.)

13 “ ‘Koulye a, leve travèse ravin Zéred la, nou menm.’ Konsa, nou te travèse ravin Zéred la.

14 “Alò, tan ke nou te pran pou sòti Kadès-Barnéa pou vin travèse ravin Zéred la se te trann-tuit ane, jiskaske tout ✡Nonb 14:29-35jenerasyon moun lagè yo te mouri soti anndan kan an, jan SENYÈ a te sèmante a yo menm nan. 15 ✡Jd 5Anplis, men a SENYÈ a te kont yo, pou detwi yo soti anndan kan an jiskaske yo tout te mouri.

16 “Epi li te vin rive ke lè ✡Det 2:14tout moun lagè yo te fin mouri pami pèp la, 17 ke SENYÈ a te pale avè m e te di: 18 ‘Jodi a, ou va travèse sou ✡Det 2:9Ar, lizyè a Moab la. 19 Lè ou vin anfas ✡Jen 19:38fis Ammon yo, pa menase yo ni pwovoke yo, paske Mwen p ap bay ou okenn nan peyi ki pou fis Ammon yo kòm posesyon pa w, paske Mwen te bay li a ✡Det 2:9fis a Lot yo kòm posesyon.’

20 “(Li rele osi peyi a, ✡Det 2:11Rephaïm, akoz Rephaïm yo te viv la avan sa, men Amonit yo rele yo Zamzumminim, 21 yon pèp tèlman gran e anpil, wo tankou Anakim, men SENYÈ a te detwi yo devan yo. Epi yo te chase yo sòti pou te vin rete nan plas yo, 22 jis jan ke li te fè pou fis Esaü yo, ki te rete Séir, lè Li te detwi ✡Det 2:12Oriyen yo soti devan yo; yo te chase yo e yo te vin rete nan plas yo menm jiska jodi a. 23 Epi ✡Jos 13:3Avyen ki te rete nan vil yo jis rive kote Gaza, Kaftorim yo ki te sòti nan Caphtor, te detwi yo, e te vin viv nan plas yo.)

24 “Leve, pati, e pase nan ✡Nonb 21:13-14vale Arnon an. Gade! Mwen te bay Sihon, Amoreyen an, wa a Hesbon avèk peyi pa l nan men nou. Kòmanse pran posesyon an e atake li pou fè lagè. 25 Nan jou sila a, Mwen va kòmanse mete ✡Egz 23:27 lakrent ak laperèz ou sou pèp toupatou anba syèl yo, ki, lè yo tande rapò a ou menm, yo va tranble e soufri nan laperèz akoz de ou.”

26 ✡Nonb 21:21-32“Konsa, Mwen te voye mesaje soti nan dezè a Kedémoth vè Sihon, wa Hesbon an avèk pawòl lapè. Mwen te di: 27 ‘Kite mwen pase nan peyi ou a, Mwen va vwayaje sèlman sou gran chemen an; mwen p ap vire akote ni adwat ni agoch. 28 Ou va vann mwen manje pou lajan pou m kab manje; epi ban mwen dlo pou lajan pou m kab bwè. ✡Nonb 20:19Sèlman, kite mwen pase ladann a pye, 29 jis jan ke fis a Esaü ki rete Séir yo ak Moabit ki rete ✡Det 2:9Ar yo te fè pou mwen, jiskaske mwen travèse Jourdain an pou antre nan peyi ke SENYÈ a, Bondye nou an, ap bannou an.’

30 “Men ✡Nonb 21:23Sihon, wa Hesbon an, pa t dakò kite nou pase nan peyi pa li a; paske SENYÈ a te fè lespri li rèd e kè li di, pou l ta kapab livre li nan men nou, jan ke li ye la jodi a.

31 “Senyè a te di mwen: ‘Ou wè, Mwen te deja kòmanse livre Sihon avèk peyi li a nan men ou. Kòmanse okipe ou, pou nou kapab genyen peyi li a.’

32 “Epi Sihon avèk tout pèp li a te parèt pou rankontre nou nan batay nan Jahats la. 33 SENYÈ a, Bondye nou an, te livre li bannou, e nou te ✡Det 29:7bat li avèk fis li yo ak tout pèp li a. 34 Konsa, nou te pran an kaptif tout vil li yo nan tan sa a, e nou te ✡Det 3:6konplètman detwi mesye yo, fanm yo, avèk pitit nan chak vil yo. Nou pa t menm kite youn vivan. 35 Se ✡Det 3:7sèl bèt nou te pran kòm piyaj nou, ak piyaj a vil ke nou te pran an kaptif.

36 “Soti nan ✡Det 3:12Aroër ki nan arebò vale Arnon an, epi soti nan vil ki nan vale a, menm pou rive Galaad, pa t gen vil ki te twò wo pou nou. SENYÈ a, Bondye nou an, te livre yo bannou tout. 37 ✡Det 2:19Sèlman, nou pa t pwoche teritwa fis a Ammon yo, toupatou akote rivyè Jabbok la ak vil peyi mòn yo, ak nenpòt kote ke SENYÈ a, Bondye nou an, te enpeche nou antre.”