Depi nan jou sa a, yon gran pèsekisyon te kòmanse kont legliz la nan Jérusalem. Yo tout, sof ke apòt yo, te gaye toupatou nan rejyon Juda avèk Samarie yo. 2 Kèk moun fidèl te antere Étienne. Yo te fè yon gwo lamantasyon sou li.

3 Men [a]Saul te kòmanse ravaje legliz la. Li t ap antre de kay an kay pou rale fè sòti ni fanm, ni gason pou mete yo nan prizon.

4 Konsa [b]sila ki t ap gaye konsa yo, te ale toupatou e te preche pawòl la.

5 [c]Philippe te desann nan vil Samarie. Li te kòmanse preche Kris la bay yo.

6 Foul la avèk yon sèl panse t ap bay atansyon yo a sa ke Philippe te di yo, paske yo te wè e te tande mèvèy ke li t ap fè yo. 7 Paske nan ka anpil moun ki te genyen lespri enpi yo, lespri yo t ap sòti nan yo. Yo te sòti pandan yo t ap rele avèk yon gwo vwa, e anpil moun ki te [d]paralize e bwate te geri. 8 Donk, te gen [e]anpil moun ki t ap rejwi nan vil sila a.

9 Alò, te gen yon nonm yo te rele Simon, ki te konn pratike [f]maji nan vil la. Li t ap fè pèp Samarie a sezi, konsi li t ap vante tèt li, ke li menm te yon moun pwisan.

10 Konsa, yo tout, soti nan pi piti jiska pi gran, te ba li anpil atansyon, e te di: [g]“Mesye sila a se li ke yo rele Gran Pouvwa Bondye a.” 11 Yo te koute li, paske pandan anpil tan li te konn etone yo avèk [h]metye maji sila a.

12 Men lè yo te kwè Philippe ki t ap [i]preche bòn nouvèl wayòm Bondye a nan non Jésus Kris la, yo t ap batize; fanm, kou gason menm jan an. 13 Menm Simon te vin kwè, epi apre li te batize li te kontinye avèk Philippe. Akoz li te wè anpil [j]sign ak [k]mirak ki t ap fèt, li te etone tout tan.

14 Alò, lè [l]apòt nan Jérusalem yo te tande ke Samarie te resevwa pawòl Bondye a, yo te voye [m]Pierre avèk Jean bay yo. 15 Lè yo te vin desann, yo te priye [n]pou yo ta kapab resevwa Lespri Sen an. 16 Paske Li [o]potko tonbe sou okenn nan yo. Yo te sèlman batize nan non Senyè a Jésus. 17 Alò, yo te [p]mete men sou yo, epi yo te [q]resevwa Lespri Sen an.

18 Koulye a, lè Simon te wè ke Lespri a te bay lè apòt yo te poze men sou moun yo, li menm te ofri yo lajan. 19 Li te di: “Ban mwen otorite sila a osi, pou tout sila ke m poze men m sou yo kapab resevwa Lespri Sen an.”

20 Men Pierre te di li: “Ke lajan ou an peri avè w, paske ou te panse ke ou ta kapab [r]vin genyen don Bondye a avèk lajan. 21 Ou pa gen [s]ni pati ni plas nan bagay sa a, paske kè ou pa dwat devan Bondye. 22 Pou sa, repanti de mechanste ou, e priye Senyè a pou, [t]si posib, entansyon kè ou kapab vin padone. 23 Paske mwen wè ke ou nan fyèl anmè e [u]mare nan inikite.”

24 Men Simon te reponn e te di: [v]“Priye a Senyè a pou mwen, nou menm, pou anyen nan sa nou di yo pa vin rive m.”

25 Alò, lè yo te fin temwaye solanèlman, e te pale [w]pawòl Senyè a, yo te fè wout yo pou retounen Jérusalem. Konsa, tou, yo te [x]preche bòn nouvèl la nan anpil vilaj Samariten.

26 Men [y]yon zanj Senyè a te pale ak Philippe e te di: “Leve, ale nan sid nan wout ki desann soti Jérusalem vè Gaza a.” (Sa se yon wout nan dezè.)

27 Konsa, li te leve ale, epi konsa, [z]te gen yon lenik Etyopyen, yon ofisye atache a Candace, larèn Etyopyen yo. Li te an chaj tout trezò li, e [aa]te la nan Jérusalem pou adore Bondye. 28 Li t ap retounen, epi pandan li chita nan cha li, li t ap li liv pwofèt Ésaïe a.

29 Alò [bb]Lespri a te di Philippe: “Ale jwenn cha sila a”.

30 Philippe te kouri kote li. Konsa, li te tande ke li t ap li Ésaïe pwofèt la, epi li te mande l: “Èske ou konprann sa w ap li a?”

31 Li te reponn: “Kijan mwen ta kapab, amwenske yon moun gide m?” Li te envite Philippe monte chita avè l.

32 Alò, pòsyon lekriti li t ap li a se te sila a: