1 Alò nan lè sa a pandan [a]disip yo t ap vin ogmante plis, yon plenyen te vin leve nan pati a [b]Jwif Grèk yo kont Jwif natal yo, paske vèv pa yo te neglije nan separasyon manje chak jou a.

2 Donk, douz yo te rele rasanble ak disip yo e te di: “Li pa bon pou nou neglije pawòl Bondye a pou nou sèvi tab yo. 3 Konsa, frè yo, chwazi pami nou sèt mesye ak bon jan repitasyon [c]ranpli ak Lespri a e ak sajès, pou nou kapab mete an chaj tach sila a. 4 Men nou menm nou va [d]dedye nou a lapriyè ak ministè a pawòl Bondye a.”

5 Pawòl sila a te fè plezi a tout asanble a, e yo te chwazi [e]Étienne, yon nonm ranpli ak lafwa e ak Lespri Sen an, ak Philippe, Prochore, Nicanor, Timon, Parménas, epi Nicolas, yon konvèti nan relijyon a Jwif yo ki sòti Antioche. 6 Epi sila yo te mennen devan apòt yo, e lè yo te fin [f]fè lapriyè, yo te [g]poze men sou yo.

7 Pawòl Bondye a te kontinye gaye, e kantite disip yo te kontinye ogmante anpil nan Jérusalem, e yon gran nonb pami prèt yo t ap vin obeyisan a [h]lafwa a.

8 Epi Étienne, ranpli avèk gras ak pouvwa, te fè [i]mèvèy ak mirak pami pèp la.

9 Men kèk moun ki te sòti nan sa ke yo te rele Sinagòg Dèzòm Lib, ki te gen moun [j]Sireneyen ak moun Alexandryen yo, e kèk moun Cilicie ak Asie, te leve pou diskite avèk Étienne. 10 Men yo pa t kapab fè fas avèk sajès ak Lespri ki t ap fè l pale a.

11 Alò, an sekrè yo te fè moun yo di: “Nou tande li pale pawòl blasfèm kont Moïse ak kont Bondye”.

12 Konsa, yo te soulve pèp la, ansyen yo ak skrib yo. Yo te [k]sezi li, e te trennen li pou mennen l devan konsèy la. 13 Yo te mete devan [l]fo temwayaj ki te di: “Nonm sila a tout tan ap pale kont [m]lye sakre sila a, ak Lalwa. 14 Paske nou konn tande li di ke [n]Nazareyen sila a, Jésus, va detwi plas sila a e chanje koutim ke Moïse te bannou yo.”

15 Konsa, yo tout nan konsèy la te fikse zye yo sou li, e yo te wè figi li tankou figi a yon zanj.