1 Pandan yo t ap pale ak pèp la, prèt avèk kaptenn gad tanp lan avèk [a]Sadiseyen yo te rive kote yo. 2 Yo te byen deranje paske yo t ap enstwi pèp la e t ap pwoklame [b]nan non Jésus rezirèksyon a lanmò yo. 3 Yo te mete men sou yo, e te [c]mete yo nan prizon pou jis rive nan demen, paske li te gen tan fènwa. 4 Men anpil nan sila yo ki te tande mesaj la te kwè, e [d]fòs kantite moun ki te kwè yo te vini toupre senk-mil.

5 Nan landemen, [e]chèf yo, avèk ansyen ak skrib yo te reyini ansanm nan Jérusalem. 6 [f]Anne, wo prèt la te la, avèk Caïphe, Jean, Alexandre, ak tout sila ki te desandan wo prèt yo. 7 Lè yo te kanpe yo nan mitan yo, yo te kòmanse mande yo: “Pa ki pouvwa, oswa nan ki non nou te fè sa a?”

8 Alò, Pierre [g]ranpli avèk Lespri Sen an, te di yo: “Chèf ak ansyen a pèp la, 9 Si nou parèt devan tribinal jodi a pou [h]benefis ki fèt a yon moun malad, kòmsi, kijan nonm sa a te fè geri, 10 kite li byen konnen pami nou tout, ak tout Israël, ke [i]pa non a Jésus Kri, Nazareyen ke nou te krisifye a, ke Bondye te fè leve soti nan lanmò a, pa non de sila a menm, mesye sa a a kanpe devan nou an bòn sante. 11 ‘Se Li menm ki [j]wòch ki te rejte pa nou menm ki t ap bati yo, men ki vin fè wòch ang prensipal la.’

12 “Konsa, pa gen sali nan [k]okenn lòt. Paske nanpwen lòt non anba syèl la ki bay pami lòm pa kilès nou dwe sove.”

13 Alò, lè yo te wè [l]konfyans a Pierre avèk Jean, e te konprann ke yo pa t gen anpil edikasyon ni enstriksyon, yo te etone. Yo [m]te rekonèt yo kon moun ki te avèk Jésus yo. 14 Epi lè yo te wè mesye ki te geri a te kanpe la avèk yo, yo pa t gen repons pou bay.

15 Men lè yo fin mande yo [n]kite konsèy la, yo te fè konferans ansanm. 16 Yo te di: “Alò [o]kisa pou nou fè avèk mesye sa yo? Paske li byen klè a tout sila ki rete Jérusalem yo ke [p]yon mirak byen enpòtan te fèt pa yo, e nou pa kapab di ke se pa vrè.

17 “Men pou sa pa rive pi lwen pami pèp la, annou avèti yo pou yo pa pale ankò a okenn moun [q]nan non sila a.” 18 Yo te rele yo, e te [r]kòmande yo pou yo pa pale ni enstwi menm nan non Jésus a.

19 Men Pierre avèk Jean te reponn yo e te di: [s]“Si li bon devan Bondye pou obeyi a nou menm olye a Bondye, nou mèt jije. 20 Paske [t]nou menm, nou pa kapab sispann pale sa ke nou te wè ak tande.”

21 Konsa, lè yo te fin menase yo anplis, yo te lage yo, paske yo pa t kapab twouve baz pou pini yo, e [u]akoz perèz a pèp la, paske yo tout t ap [v]bay Bondye glwa pou sa ki te rive a. 22 Paske mesye a ki te resevwa mirak sila a, te gen plis ke karant ane.

23 Lè yo te fin lage yo, yo te ale bò kote moun pa yo, e te rapòte a tout moun sa ke chèf prèt yo avèk ansyen yo te di yo. 24 Lè yo te tande sa, yo te leve vwa yo a Bondye ansanm, e te di: “O Bondye, se te Ou menm ki te [w]fè syèl la ak tè a, lanmè, ak tout sa ki ladann, 25 ki [x]pa Lespri Sen an, selon bouch a Zansèt nou David te di: