Travay 13

1 Alò te gen nan Antioche, nan legliz ki te la a, pwofèt ak [a]mèt yo; Barnabas ak Simon ki te rele Niger, ak Lucius de Cyrène, ak Manaen ki te grandi avèk Hérode, tetrak la (youn nan kat wa yo), ak Saul.

2 Pandan yo t ap fè sèvis pou Senyè a, e t ap jene, Lespri Sen an te di: “Mete apa pou Mwen Barnabas ak Saul, pou [b]travay ke mwen rele yo a.”

3 Alò, lè yo te fin fè jèn nan ak lapriyè, yo te [c]poze men sou yo e te voye yo ale.

4 [d]Konsa, ranvoye pa Lespri Sen an, yo te desann Séleucie. Depi la yo te pran yon bato pou Chypre. 5 Lè yo te rive Salamine, yo te kòmanse pwoklame pawòl Bondye a nan sinagòg Jwif yo. Anplis [e]Jean te la pou ede yo.

6 Lè yo te fin travèse tout lil la, jis rive nan Paphos yo twouve yon sèten [f]majisyen Jwif, yon [g]fo pwofèt ke yo te rele Bar-Jésus 7 ki te avèk [h]pwokonsil la, Sergius Paulus, yon nonm byen entèlijan. Mesye sa te rele Barnabas avèk Saul pou vini pou l ta kapab tande pawòl Bondye a.

8 Men majisyen an, Elymas (se konsa non li tradwi) t ap opoze yo, e t ap chache detounen pwokonsil la kont [i]lafwa a. 9 Men Saul, ki te osi konnen kon Paul, [j]ranpli avèk Lespri Sen an, te fikse zye li sou li. 10 Li te di: “Ou menm ki ranpli ak desepsyon ak fwod, ou menm [k]fis a dyab la, ou menm lènmi a tout ladwati, èske ou p ap janm sispann fè kwochi chemen dwat a Senyè a? 11 Koulye a, gade byen [l]men Bondye sou ou, ou va vin avèg e ou p ap wè solèy la pandan yon tan.”

Imedyatman, yon brouya avèk yon fènwa te tonbe sou li, e li te ale toupatou pou chache moun pou ta mennen l pa lamen.

12 Answit, pwokonsil la te vin kwè lè li te wè sa ki te rive a, byen etone de [m]doktrin Senyè a.

13 Alò, Paul avèk konpanyon li yo te monte sou lanmè a soti Paphos. Yo te rive nan vil Perge nan Pamphylie. [n]Jean te kite yo la pou retounen Jérusalem.

14 Men kontinye soti Perge yo te rive [o]Antioche Pisidie a. Nan jou Saba a yo te antre nan sinagòg la, e yo te chita. 15 Aprè Lalwa ak [p]Pwofèt yo [q]te fin li, ofisye yo te voye kote yo e te di: “Frè yo, si nou gen nenpòt pawòl pou egzòte pèp la, pale.”

16 Paul te kanpe. Li te fè sinyal avèk men l, e te di: “Lezòm Israël yo, ak nou menm ki [r]krent Bondye, koute: 17 Bondye a pèp Israël sa a te chwazi zansèt nou yo, e te [s]fè pèp la onore pandan sejou yo nan peyi Égypte. Epi avèk yon bra leve [t]Li te mennen yo sòti ladann. 18 [u]Pandan anviwon yon tan de karant ane, konsa, li te sipòte yo nan dezè a.

19 “Lè L te fin detwi [v]sèt nasyon nan tè Canaan an, Li te [w]divize tè pa yo a kòm eritaj. Sa te pran anviwon kat san senkant ane. 20 Apre bagay sa yo, Li te [x]bay yo jij yo jiska Samuel, pwofèt la.

21 “Yo te [y]mande pou yon wa, epi Bondye te bay yo [z]Saul, Fis a Kis la, yon nonm nan tribi Benjamin an pou karant ane.

22 “Lè L te fin retire li, Li te fè leve David pou l ta kapab wa sou yo. Selon Li, te temwaye e te di: [aa]‘Mwen twouve David, fis a Jessé a, yon nonm selon pwòp kè Mwen ki va fè tout volonte M’.

23 “Soti nan desandan a nonm sila a, selon pwomès la, Bondye te fè vini a Israël [bb]yon Sovè, Jésus.

24 “Avan Li te vini [cc]Jean te preche yon batèm repantans pou tout pèp Israël la. 25 Alò, pandan Jean t ap konplete pakou li, [dd]li te kontinye ap mande: ‘Kisa nou sipoze ke mwen ye? Mwen se pa Li menm nan. Men gade byen, youn ap vini aprè mwen e sapat a pye li, mwen pa menm dign pou delase.

26 “Frè yo, Fis a fanmi Abraham yo, sila pami nou ki krent Bondye yo, a nou mesaj [ee]sali sila a voye. 27 Paske sila ki rete Jérusalem yo, avèk gouvernè pa yo, pa t rekonèt ni Li menm, ni pawòl a pwofèt yo, malgre, yo konn li toupatou chak Saba a. Men yo te akonpli bagay sa yo lè yo te kondane Li. 28 Malgre yo pa t twouve okenn choz ki merite lanmò, yo te [ff]mande Pilate pou li ta fè l mouri. 29 Epi lè yo te [gg]fin akonpli tout sa ki te ekri konsènan Li yo, yo te [hh]retire Li sou kwa a, e yo te mete l nan yon tonm.

30 “Men Bondye te leve Li soti nan lanmò. 31 Konsa, pandan anpil jou, sa yo ki te sòti Galilée pou monte Jérusalem avè L yo, [ii] te wè li, menm sila yo ki koulye a se [jj]temwen Li a pèp la.

32 “Konsa, nou preche a nou menm bòn nouvèl a [kk]pwomès ki te fèt a zansèt nou yo, 33 ke Bondye te akonpli pou zanfan pa nou yo, lè l te resisite Jésus a, menm jan ke sa osi ekri nan dezyèm Sòm nan:

[ll]‘Ou se Fis Mwen;

jodi a Mwen fè Ou.’

34 “Selon reyalite ke Li te leve soti nan lanmò, pou l pa ankò retounen nan pouriti, Li te pale konsa: [mm]‘Mwen va bannou benediksyon a David ki sen e byen asire yo.’

35 “Konsa, Li pale osi nan yon lòt Sòm ke [nn]‘Ou p ap kite pa W, Sila Ki Sen an, sibi pouriti.’

36 “Paske David, apre li te sèvi [oo]plan Bondye a nan jenerasyon pa l la, te dòmi. Li te vin plase pami zansèt li yo, e li te sibi dekonpozisyon. 37 Men Sila ke Bondye te [pp]fè leve a, pa t sibi dekonpozisyon menm.

38 “Konsa, kite sa vin konnen a nou menm, frè yo, ke [qq]atravè Li menm, padon pou peche yo pwoklame a nou menm. 39 Selon Li menm, [rr]tout moun ki kwè yo, vin lib de tout bagay ke nou pa t kapab libere pa Lalwa Moïse la.

40 “Konsa, fè atansyon, pou sa ki te pale [ss]nan pwofèt yo pa vini sou nou:

41 [tt]‘Gade byen mokè yo;

Vin etone, e peri!

Paske M ap acheve yon zèv nan jou nou yo,

yon zèv ke nou p ap janm kwè,

menmsi yon moun ta eksplike nou li.’ ”

42 Pandan Paul ak Barnabas t ap sòti, pèp la te kontinye mande pou yo ta kapab pale yo bagay sa yo ankò nan pwochen [uu]Saba a. 43 Alò, lè sinagòg la te lage, anpil nan Jwif yo ak [vv]pèp etranje ki te vin krent Bondye yo, te swiv Paul ak Barnabas. Yo te pale avèk yo pou ankouraje yo kontinye nan [ww]gras Bondye a.

44 Nan [xx]pwochen Saba a, prèske tout vil la te vin rasanble pou koute pawòl Bondye a.

45 Men lè [yy]Jwif yo te wè foul la, yo te ranpli avèk jalouzi, e yo te kòmanse pale kont bagay ke Paul te pale yo, e t ap fè blasfèm.

46 Paul ak Barnabas te pale avèk gwo kouraj. Yo te di: “Li te nesesè pou pawòl Bondye a ta pale a nou menm [zz]avan. Men akoz ke nou refize l, e jije pwòp tèt nou endign pou lavi etènèl la, gade byen []n ap vire bò kote pèp etranje yo. 47 Paske konsa Senyè a te kòmande nou:

[]‘Mwen plase nou kòm yon limyè pou pèp etranje yo,

pou nou ta pote delivrans jiska dènye ekstremite tè a.’ ”

48 Lè pèp etranje yo te tande sa, yo te kòmanse rejwi e t ap bay glwa a pawòl Bondye a. Konsa, tout sila ki []te nome pou lavi etènèl yo te kwè. 49 []Pawòl Senyè a te gaye nan tout rejyon an.

50 Men Jwif yo te chofe fanm fidèl yo, ak chèf ki t ap dirije vil yo, pou []fòmante yon pèsekisyon kont Paul ak Barnabas, e te chase yo deyò teritwa yo.

51 Men []yo te souke pousyè a, fè l sòti nan pye yo, kòm yon sign kont yo, e yo te ale Icone.

52 Epi disip yo te kontinye []ranpli avèk jwa, e avèk Lespri Sen an.

<- Travay 12 Travay 14 ->