DEZYÈM LÈT JEAN

1 Ansyen an k ap ekri madanm chwazi a, ansanm ak pitit li yo, ke mwen renmen anverite; pa mwen sèlman, men tout sila ki [a]konnen laverite yo, 2 pou koz laverite a, ki rete nan nou, e ki va [b]avèk nou jis pou tout tan: 3 [c]Lagras, mizerikòd, ak lapè va avèk nou, ki sòti nan Bondye, Papa a, ak Senyè a Jésus Kri, Fis a Papa a, nan verite, ak nan lamou.

4 [d]Mwen te tèlman kontan pou twouve kèk nan timoun ou yo ki t ap mache nan laverite a, jis jan ke Papa a te kòmande nou fè a.

5 Konsa, koulye a mwen mande ou, madanm, [e]pa tankou mwen t ap ekri yon kòmandman tounèf, men menm sila ke nou te gen depi nan kòmansman an, pou nou renmen youn lòt. 6 Men [f]sa se lanmou, pou nou mache selon kòmandman Li yo. Sa se kòmandman an, jis jan ke ou te tande li [g]depi nan kòmansman an, pou ou ta mache nan li.

7 Paske [h]anpil sediktè [i]gen tan antre nan mond lan, sa yo ki pa rekonèt ke Jésus Kri te vini nan lachè a. Sila a se sediktè a, ak antikris la.

8 Veye nou menm [j]pou nou pa pèdi sa ke nou gen tan fin reyalize a, men pou nou resevwa tout rekonpans lan.

9 Nenpòt moun ki fin ale byen lwen e ki [k]pa kontinye nan doktrin Kris la, pa gen Bondye. Sila ki rete nan doktrin nan, li gen ni Papa a, ni Fis la.

10 Si nenpòt moun vini a nou, ki pa pote doktrin sila a, [l]pa resevwa li nan kay nou, e pa menm salye li, 11 paske sila ki salye li a [m]patisipe nan zak malveyan li yo.

12 [n]Malgre ke mwen gen anpil bagay pou m ta ekri nou, mwen pa vle fè sa avèk papye ak lank; men mwen espere ke m va vini a nou menm pou nou pale fasafas, jis pou jwa nou kapab vin akonpli.

13 Pitit a [o]sè chwazi yo salye nou. Amen