1 ✡Lev 19:32Pa bay repwòch ki di a yon granmoun, men, de preferans, rezone ak li tankou yon papa, a jèn mesye yo tankou frè yo, 2 a fanm avanse nan laj yo tankou manman, e jèn fanm yo tankou sè. Ak tout, san tach.

3 Onore vèv ki ✡Trav 6:1vrèman vèv yo; 4 men si yon vèv gen pitit, oswa pitit pitit, ✡Ef 6:2yo dwe, dabò, aprann pratike respè anvè pwòp fanmi pa yo, e repaye pwòp paran pa yo, paske sa ✡I Tim 2:3akseptab devan zye Bondye. 5 Alò, sila ki vrèman yon vèv, e ki kite sèl la, fikse tout espwa l sou Bondye e kontinye nan siplikasyon ak lapriyè lajounen kon lannwit. 6 Men sila ki ✡Jc 5:5viv nan plezi a, mouri menm pandan ke li ap viv la. 7 ✡I Tim 4:11Preskri bagay sa yo tou pou yo kapab vin san repwòch. 8 Men si yon moun pa bay soutyen a sila ki pou li yo, e sitou a sila ki lakay li yo, li ✡II Tim 2:12gen tan kite lafwa e vin pi mal ke yon enkwayan.

9 Yon vèv ✡I Tim 5:16dwe mete nan lis la sèlman si li pa gen mwens ke swasant ane, e te madanm a yon sèl moun, 10 avèk repitasyon ✡Trav 9:36bon zèv, si li te elve timoun, si li te konn ✡I Tim 3:2resevwa etranje byen, si li te lave pye a sen yo, si li te konn ede sila ki nan gwo pwoblèm yo, e si li te devwe tèt li a tout bon zèv.

11 Men refize mete jèn vèv nan lis la, paske lè yo vin gen ✡Rev 18:7dezi sansyèl kont Kris la, y ap vle marye. 12 Konsa y ap vin merite kondanasyon paske yo mete sou kote ve ke yo te fè deja a. 13 An menm tan an, yo va aprann vin parese, pandan yo prale de kay an kay. E pa senpleman parese, men osi nan ✡II Tes 3:11fè tripotay ak antre bouch nan zafè a moun, ✡Tit 1:11nan pale bagay ki pa bon pou pale.

14 Konsa, mwen vle jèn vèv yo ✡I Kor 7:9marye, fè pitit, okipe kay, pou pa bay lènmi an plas pou repwòch. 15 Paske kèk nan yo ✡I Tim 1:20deja detounen pou swiv Satan.

16 Si yon fanm ki se yon kwayan ✡I Tim 5:4gen vèv ki depann de li, li dwe asiste yo e legliz la pa dwe pote chaj sa a, pou li kapab asiste sila ki vrèman vèv yo.

17 ✡Trav 11:30Ansyen ki dirije byen yo, dwe konsidere dign de doub onè, sitou sila ki ✡I Tes 5:12travay di nan predikasyon ak enstriksyon yo. 18 Paske Lekriti a di: ✡Det 25:4“Nou pa dwe mete mizo nan bouch a bèf la pandan l ap moulen sereyal la,” epi: “Ouvriye a dign de salè li.”

19 Pa resevwa yon akizasyon kont yon ansyen eksepte sou baz a ✡Det 17:6de oswa twa temwen.

20 Sila ki kontinye nan peche yo ✡Gal 2:14repwoche yo nan prezans a tout moun, pou lòt yo tou kapab pè fè peche. 21 ✡Luc 9:26Mwen solanèlman chaje ou nan prezans a Bondye, a Kris Jésus e a zanj chwazi Li yo, pou kenbe prensip sa yo san favorize pèsòn, e pa fè anyen nan yon lespri patipri.

22 ✡I Tim 3:10Pa poze men sou okenn moun twò vit, e konsa vin pataje nan peche a lòt yo. Kenbe tèt ou lib de peche.

23 Pa bwè dlo sèl ankò, men ✡I Tim 3:8pran yon ti diven pou koz a vant ou ak maladi yo k ap boulvèse ou.

24 Peche kèk moun vin toutafè klè, li ale devan yo pou jijman. Pou lòt yo, peche pa yo vini aprè yo.✡Rev 14:13 25 Menm jan an tou, zèv ki bon yo toutafè klè, e ✡Pwov 10:9sila ki pa konsa yo, p ap kapab kache.