1 Alò, konsènan [a]tan ak epòk yo, frè m yo, nou pa bezwen ekri nou anyen. 2 Paske nou menm, nou konnen trè byen ke [b]jou a Senyè a va vini sou nou tankou yon vòlè lannwit. 3 Pandan y ap di “Lapè ak sekirite”, alò [c]destriksyon va vini sou yo sibitman, tankou [d]doulè a yon fanm k ap fè pitit. E yo p ap chape.
4 Men nou menm, frè m yo, nou pa nan [e]tenèb, pou jou a ta siprann nou tankou yon vòlè. 5 Paske nou tout se [f]fis a limyè e fis lajounen an. Nou pa apatyen a lannwit ni a tenèb. 6 Konsa, annou pa [g]dòmi tankou [h]lòt yo konn fè a, men annou rete vijilan e rezoli. 7 Paske sila ki dòmi yo, fè dòmi yo a nan lannwit; e sila kap vin sou yo [i]vin sou lannwit. 8 Men paske nou apatyen a lajounen, annou rete rezoli. Annou fin mete sou nou [j]pwotèj lestomak lafwa ak lanmou an, e kòm [k]kas, lesperans sali a.
9 Paske Bondye pa t destine nou a [l]lakòlè, men pou nou vin [m]gen Sali atravè Senyè nou an, Jésus Kri. 10 [n]Li te mouri pou nou pou kit nou vivan kit nou mouri, nou va viv ansanm avèk Li.
11 Konsa, annou ankouraje youn lòt, e [o]remonte youn lòt, jis jan n ap fè a.
12 Men nou mande nou, frè m yo, pou nou apresye sila [p]ki travay avèk dilijans pami nou yo, e ki [q]responsab nou nan Senyè a pou bannou lenstriksyon e korije nou. 13 Fòk nou ba yo gwo estim nan lanmou akoz de travay yo.
14 Nou egzòte nou anpil, frè m yo, avèti moun san [s]prensip yo, ankouraje [t]sila ki manke kouraj yo, ede fèb yo, aji nan pasyans avèk tout moun. 15 Veye pou [u]pèsòn pa rann youn lòt mal pou mal, men toujou chache sa ki bon pou youn lòt e pou tout moun.
16 [v]Se pou nou rejwi nou tout tan. 17 Priye san rete. 18 Nan tout bagay [w]bay remèsiman, paske sa se volonte Bondye pou nou nan Kris Jésus a.
19 [x]Pa etenn Lespri Sen an. 20 Pa meprize [y]pawòl pwofetik yo. 21 Men [z]byen egzamine tout bagay. Kenbe fèm a sa ki bon an 22 e evite tout kalite mal.
23 Koulye a, ke Bondye lapè a, Li menm, ki sanktifye nou nèt la, e ke [aa]lespri nou, nanm nou ak kò nou kapab konsève nèt [bb]san repwòch jis nan vini a Senyè nou an, Jésus Kri.
24 [cc]Fidèl se Sila ki rele nou an, e Li osi va fè l rive konsa.
25 Frè m yo [dd]priye pou nou.
26 [ee]Salye tout frè yo avèk yon bo ki sen. 27 Mwen bay ou lòd nan non Senyè a pou [ff]fè lèt sa a li bay tout frè yo.
28 Ke [gg]lagras Senyè nou an, Jésus Kri avèk nou. Amen.
<- I Tesalonisyen Yo 4- a Trav 1:7
- b I Kor 1:8
- c II Tes 1:9
- d Jn 16:21
- e Trav 26:18
- f Luc 16:8
- g Wo 13:11
- h Ef 2:3
- i Trav 7:15
- j És 59:17
- k Ef 6:17
- l I Tes 1:10
- m II Tes 2:13
- n Wo 14:9
- o Ef 4:29
- p Wo 16:6,12
- q Eb 13:17
- r Mc 9:50
- s II Tim 3:6,7,11
- t És 35:4
- u Wo 12:17
- v Fil 4:4
- w Ef 5:20
- x Ef 4:30
- y Trav 13:1
- z I Kor 14:29
- aa Luc 1:46
- bb II Pi 3:14
- cc I Kor 1:9
- dd Ef 6:19
- ee Wo 16:16
- ff Kol 4:16
- gg Wo 16:20