1 Anverite gen rapò ke gen imoralite pami nou, yon kalite imoralite ki pa menm egziste pami pèp etranje yo; ke yon moun gen ✡Lev 18:8madanm a papa li.
2 Nou vin awogan, olye nou kriye anpil pou sila ki te fè zak sila a ✡I Kor 5:13pou l ta kapab vin retire nan mitan nou.
3 Paske mwen menm, bò kote pa m, malgre mwen ✡Kol 2:5absan nan kò men mwen prezan nan lespri. Mwen deja jije mesye ki fè zak sila a, tankou mwen te prezan. 4 Nan non Senyè nou an Jésus Kri, lè nou vin rasanble, e mwen menm avèk nou nan lespri ✡Jn 20:23avèk pouvwa Senyè nou an Jésus,
5 nou gen pou ✡Luc 22:31livre yon nonm konsa bay Satan pou detwi chè l, pou lespri li kapab sove ✡I Kor 1:8nan jou Senyè a Jésus.
6 ✡Jc 4:16Vante tèt nou an pa bon. Èske nou pa konnen ke ✡Mat 16:6,12yon ti kras ledven fè tout boul pen an leve?
7 Retire vye ledven an pou nou kapab vin yon boul pat tounèf; kòmsi ke nou an reyalite deja san ledven. Paske Kris, ✡Mc 14:12Pak pa nou an, osi te sèvi kon sakrifis nou.
8 Konsa, annou selebre fèt la ✡Egz 12:19pa avèk vye ledven an, ni avèk move ledven an ak mechanste, men avèk pen san ledven nan plen senserite ak verite a.
9 Mwen te ekri nou nan lèt mwen an pou nou ✡II Kor 6:14pa asosye nou avèk moun imoral yo;
10 Mwen pa t vle di tout moun imoral ki nan mond sa a, ni avèk moun lemonn ki gen lanvi, ki nan fwod, oubyen moun ✡I Kor 10:27idolat yo; paske konsa nou ta dwe kite mond lan nèt.
11 Men an reyalite, mwen te ekri nou pou nou pa asosye nou avèk nenpòt moun ke nou konn rele ✡Trav 1:15“frè” si li se yon moun imoral, oubyen ranpli ak lanvi, oubyen yon moun idolat, yon medizan, yon tafyatè, oubyen yon moun ki nan fwod——pou nou pa ta menm manje avèk yon moun konsa.
12 Paske kisa mwen gen pou fè nan jije moun deyò yo? ✡I Kwo 5:3-5Èske se pa sila anndan legliz yo pou nou jije?
13 Men sila ki deyò yo, se Bondye ki pou jije yo. ✡Det 13:5Retire sila ki malveyan an pami nou menm.
<- 1 Korentyen Yo 41 Korentyen Yo 6 ->