5 ኮታ ቡር “ክትም ጳዝድባብ የታ ክታ ፍክስንባብከስ ሙደና፥ መረንከሰረ ባከንከሰረ ዎንታ ጮይስንም ጋለትከቴ!” ጋይድን ኡፍስ ክታ ባንችም ጎንገንዘንካ ዉተዴ። [c] 6 በድ ኤድንከስታ ኡፍስም፥ ሙርግድን ሎቀታ ኡፍስም፥ አንድር ጉግንታ ኡፍስም ካምድን ኡፍስ “ሳብም ጋለትከቴ! ሙደንም ቆልድባብ ጮይስ ሳብና ባንችምዴ!” ኩን ጋይድንካ ኤሰርስቴ። [d] 7 ክት ቆለንንታ እሰና የልሳንካንተኬ ክት ኤር ይእድንደረ ኮት ግግምሳንካንታ ዎም ጉርምሳ! አንድረረ ዎ ጉርማ! ክትመረ ዎ ቦንቻ! 8 ሮጵድንደትኬ ጭምራክንደትም ላቅምድን አፍላ ኮት ቆበርድንግንዳ ኮትካንታ እምምሴ፥ ሳዝ አፍለና ሳብካንታ ፋስምስባብከስታ ጭለትች ፍክስዬ።

9 ኮታ ቡር ክታይንችና “ ቆለንንታ እሰንታ እችምንደር ኤልምስባብ አንጅምስባብከሰኬ” ጋይሶ ጻፍካ እም ጋይሴ፥ ኮታዘንከረ “ኮና ሳብታ ዶፈን ቃሌ” ጋይሴ። [e]

10 እተረ ክታይንችንም ጎስትካንታ ክታ ዱትንዘን እስታ ባለንካ ጉፕን ጋይስቴ፥ ኖ ማቼ “ዛእካ! ኮም Ꮊይ ይዬ! እተረ የስካ ክክን የሱሰታ ማርካትቼን የጅባብ የስታ እስመንከስከረ ክክን ሳብታ ፍክስንባብቴ፥ ኮካንታ የነረ ሳብካንታ ጎስትካ! የሱሰታ ማርካትቼና ቤር ኬዝድን አያንኔ” እዝደር ጋይሴ።

11 ኮታ ቡር ጭለና ፎችምስንካ ሰድቴ፥ ኮታዘንከረ ጫምሳ ፋረመረ ሰድቴ፥ ፋረንዘነረ ዶቅስባብ አመንምስባብኬ ዶፈን ጋይምድባቤ፥ ኖ ጭላትቼንካ ፋረዴ፥ አነረ ዳምዴ፥ [f] 12 ክታ አፍንከሰረ ኖሄታ ሎግንችም ካምደኬ፥ ክታ ማተንዘነረ በድ ዛዉደንከስ ዶቅደኬ፥ ክታዘንካ አብ Ꮊየነረ ኤዝዳክንዳ ክታዘን ጻፈርሳንዳ ላም Ꮊቄ፥ [g] 13 ኖ ማቀስካ ላይምሳን አፍላ ቆበርታ Ꮊቄ፥ ክታ ላምነረ “ሳብታ ቃላ” ጋይምድንዴ። 14 ጫምሳ ፋረንከዘን ዶቅስባብከስ ጫምሰኬ ጭመራክን ላቅምድን አፍላ ቆበርስባብከስ ጭላር ዳምንባብከስ ክትም ጎርስምተኬ። 15 ይንታ ማታክባብ ዎርሰንከስም ክት ጉጵድንዳ ቃርሰርሳን ማሳ ክታ አፈናርካ ዉዴ፥ ስብል ጉፈንከረ ከትም ገችስተሬ፥ ኖ ሙደን ቆልድባብ ሳብንታ ጳስዝድን ዋጭን መያ ማስዝድን ዎይን ዎጭምን ጩጰርድንደት ካርንም ሙክተሬ፥ [h] 16 ይንታ አፍለንዘንኬ ይንታ ገስንዘን “ባንችንከስታ ባንች ጮይስንከስተረ ጮይስ” ጋይድንዳ ላም ጻፍምቴ።

17 ኮታ ቡር Ꮊይንታዘን ዎእስባብ ዋልቃ ክታይንችም ሰድቴ፥ ኖየረ ጭለዘን ፈድን አፍትንከስካንታ “አንድር ሳብታ ግክስምሳን እችምንደር ኮረቴ! ሳንምከቴ! 18 ባንችንከስታ ዋሄን፥ ዳምንባብከስም ክድባብከስታ ዋሄን፥ ዳቅማ ዳምድባብከስታ ዋሄን፥ ፋረንከስተኬ ፋረንከዘን ዶቅሶ ዳምድባብከስታ ዋሄን፥ ማተንቆልስባብከስተኬ ፍክስንባብከስታ ዋሄን፥ መረንከስተኬ ባከንከስታ ዋሄን፥ Ꮊምነረ ኤድ ሙደንታ ዋሄን Ꮊድሰቶ እችከቴ!” ኩንጋየሮ አንድር ኡፍስካ ፍፍሴ።

19 ኮትኮግንደረ ባችሪንኬ ፍጨዘን ባንችንከስ፥ ኬታ ዳምንባብከሰረ ጫምሳ ፋረንዘን ዶቅስባብዘንኬ ክታ ዳምንባብከስካ ክክን ዳምካንታ ከት ሳንምስንካ ሰድቴ፥ 20 ኬዛርንካ ማቼ ባችሪና የድምሴ፥ ክትከረ ክክን ክታ እሪ በድ አተን ፍግዝድ Ꮊቅባብ ኖ ባችሪንታ ምስል ከታዘን ዶቅድባብከስምኬ ባችሪንታ ምስልንካንታ ጎዝድ Ꮊቅባብከስም አተንም ፍክሰሮ ኮተርዝድ Ꮊቅባብ ሳብዘንካ ኤሰራክዶቆ ካርከካ ከዛቅባብና የድምሴ፥ ኬታ ኬና ቃስቴንና ድግዳክን አድን ኖሀ ባሀርናር ሰንፔካ ዶቅደኮ ኦይትምሰኬ። [i] 21 ነገድባብከሰረ ጫም ፋረንዘን ዶቅስባብታ አፈናርንካ ዉድን ማሴንካ ደይስምሰኬ፥ አፍትንከሰረ ሙዳ ኬታ ዋሄንም እችሶ ምሰኬ።

<- ለምለም 18ለምለም 20 ->