3 Amo ikavava, níyana tayamo kébana esaaesaina goi anove kana,
10 Tuwo Baloma Kimaasabaina iyoisigu, e aneroseyana ima ikabigu itukoegu kana koya gagaina toina dabana goi. Amoko goi Yerusalema kimaasabaina ivatulukoigu;[p] asayana Yaubada yábana goi isou imamaima. 11 Asayana yaina goi Yaubada ana káeyana tomoeeyalina ikaaiyaka go, asayana ina yama gurewa esaesa yoina diyáspa nakae o gerasi maavadaina nakae inamanámala. 12 Ana kali gurewa ituko ina gagaina. Ana kaba siu adi badabada yawou aiyuwo go, aba siuyadi tamo tamo goi anerose sikaaiyaka be nakae tamo tamo goi Isileli tubunao adi dala yawou aiyuwo yoidi tamo tamo siginidi, tauna aba siu tayamo, you tayamo.[q] 13 Go aliyana goi bomatu dadavina aba siu aito, yawéyana dadavina aba siu aito, youya dadavina aito be nakae koiboga dadavina aito. 14 Asayana ina kali gurewa ana lasáuna yawou aiyuwo go, lasaunayadi yaidi goi Lami ina vamoleyanayao yawou aiyuwo yoidi sikaaiyaka.
15 Aneroseyana boi ilatuuwokoigu nimana goi aba valivaliva goura ikavale bego asayana ana kaba siu be nakae ana kali gurewa ivalivelivedi.[r][s] 16 Asayana kootavaina, tauna dadavavasi. Ana mamanao be ana papaeva sivavasa. Aneroseyana ina kaba valivaliva ikabi, asayana ivalivelive. Ana mamanao be ana papaeva be ana tukotuko madabokina sivavasa, moe kilomita 2,400.[t] 17 Asayana ivalivelive ikavava, ana kali gurewa ivalivelive ame nakae: Ana tukotuko moe aba katugúyala ana badabada 144. Moe tomota ina kaba katugúyala goi ivalivelive go, anerose ana kaba katugúyala moe tomota ana kaba katugúyala nakae. 18 Ana kali gurewayana ana madágina moe gurewa esaesa yoina diyáspa goi siláui. Go asayana sinaena madabokina goura maavadaina nakae gerasi maavadaina.[u] 19 Go ali gurewayana ana lasáuna adi pasapasa moe gurewa esaesa liliudi.
22 Ago asayana agite, geya tayaamo Vada Kimaasabaina ikaaiyaka unana asayana madabokina goi Yauwe Yaubada Tokalika be nakae Lami sikaaiyaka. 23 Toni kasa geya latuwodi níyala be tukówana bego sitapasigidi. Moitamo. Yaubada ana káeyana tomoeeyalina itapasigidi o tadigo kada, ‘Lamiyana moe toni kasa idi rampa.’[v] 24 Tuwo ina mavada goi tomota liliudi bei siiketoiya go, kidi poyapoya ana tolovinao idi esaesa aba taimámina bei simedi asayana goi.[w] 25 Go aba siuyadi maliyalina goi geya sikatunibodedita, geya toina. Moitamo. Amoko goi tuta liliuna iimavada maliyalina nakae unana sabamgo geya.[x] 26 Totuyoyowo idi esaesa aba taimámina be konadi kaausaraidi tolovinayadi bei simedi asayana sinaena goi. 27 Go tomota ma baailidi, tomota kaga aba kalagíwala siguuinuwedi be topola nakae asayana goi geya sisiusiu. Avatauwa neta yoidi Lamiyana ina buki yawana vata manuna[y] goi bogina sikaaiyaka, e aditava madi tagona sisiu.[z]
<- NUWOGAU 20NUWOGAU 22 ->- a Aiseya 65:17, 66:22; 2 Pita 3:13.
- b Nuwogau 3:12.
- c Tateta 25:8, 33:7-9, 40:34-35; 2 Tétala 6:18; Isikeli 37:27, 48:35; Sakarayau 2:10; Madiu 1:23; Iyoni 1:14; 1 Korinta 3:16, 6:19; 2 Korinta 6:16; Iberiu 3:6.
- d Vininabeso 26:11-12.
- e Aiseya 25:8, 65:19; 1 Korinta 15:26.
- f Aiseya 35:10; 2 Korinta 5:17.
- g Totukumgo be Totumliya: Livala ana talígava Nuwogau 1:8 goi kugīte.
- h Nuwogau 1:8, 22:13.
- i Nuwogau 22:13.
- j Aiseya 55:1.
- k Nuwogau 2:7,11,17,26, 3:5,12,21.
- l 2 Samwera 7:14; Same 89:26-27.
- m Aba kalagíwala siguuinuwedi: Ame nakae sinapu igoyo toina Yaubada matana goi. Sinapuyana moe nakona basaleliu yaidi sisakululu.
- n 1 Korinta 6:9; Nuwogau 22:15.
- o Nuwogau 19:20, 20:10,14-15.
- p Isikeli 40:2.
- q Isikeli 48:30-35.
- r Ivalivelivedi: Ame nakae iguinuwe bego tayagoi asa gagaina.
- s Isikeli 40:3.
- t Kilomita 2,400: Da Giriki niyadi kadi, ‘12,000 stadia.’ Tauna dadavavasi talamgogoidi moe 144,000. Go tayamo stadia moe 187 mita o ova ana badabada 122.
- u Aiseya 54:11-12.
- v Aiseya 60:19-20.
- w Aiseya 60:3.
- x Aiseya 60:11; Sakarayau 4:7.
- y Pilipai 4:3; Nuwogau 3:5, 13:8, 17:8, 20:12,15.
- z Aiseya 52:1; Isikeli 44:9; Iyoeli 3:17.