4 Ame adi taiyuwokova alova oribe aiyuwo be nakae rampa adi kaba yata aiyuwo go, adi taiyuwokova madi katubayásina siitáoya poyapoya ina Tomoya matana goi.[e] 5 Ago avatau neta ipoikíkina bego tauyadi iyogedegededi, e tobudi goi yeu isowóduwo adi kaleyayana igabu. Tauna nakae neta adi kaleyayao bego siyogedegededi, itoboinedi sivailai. 6 Moe adi taiyuwokova madi lovina kúwana yábana goi sitabode idi tuta poyapoya goi sitaalavaita,[f] bwae sikaigaviledi simalaikaika,[g] be mou liliudi da poyapoya sivinidi.[h] Go moe siguinuwedi nakonakae latuwodi.
7 Tutayana idi talavaita silukavave, woiwoi masiyana gagaina[i] goi bei isowóduwo ima ivayaviya adi taiyuwokova yaidi goi go, bei itogaga, e ikaumatedi.[j] 8 Ikaumatedi ikavava, asa gagaina sinaena enao goi wowodi bei sikaaiyaka go, moe aba omayamaya. Ago toni kasa idi sinapu igoyo nakae kidi da Sodoma be nakae tomota mou sivinidi nakae kidi da Itipita.[k] Tauna livalakaibala goi amo asayana yoina moe Sodoma be Itipita. Asayana goi boi idi Tomoya kerose goi situpatuko. 9 Koroto adi taiyuwo wowodiyadi sikaaiyaka go, tomota badabadaidi nakae boda liliudi be nakae kantri liliudi goi, dala liliudi be aníyana liliudi[l] bei sima siigitedi maliyalina aito be nakae tupwana goi. Siigitedi go, geya vatau tayaamo sitagone bego wowodiyadi ikabidi, tukubu goi ivaliwogedi.[m] 10 Moe tokabivalavala adi taiyuwokova boi sima go, da poyapoya sitáoya siyogedegededi, tauna kidi da poyapoyayadi bei siuyáwana gagaina adi taiyuwo idi kámasa pasina. Bei áika gagaina siwodugu, tuwo idi yabobona bei sikaiguyauyedi sediyao yaidi.
11 Maliyalina aito be nakae tupwana sikavava, Yaubada yawoina ivaisiu adi taiyuwokova yaidi goi, e sitaoyamna.[n] Sitaoyamna go, tomota sigitedi simatoita gagaina. 12 Ago níyana tayamo gagaina yábana goi sinove, adi taiyuwokova ilatuwokoidi idigo kana,
14 Moeko goi mou aiyuwoina bogina ikavava go, kunōve! Mou aitonina giyakainava bei isowóduwo!
- a Kuvalivelivēdi: Valivaliva ame moe ana yagoina totapwaroro be vadayana adi dedevina manuna. Ago tomota maniyedi sinuwonúwana moe tomota idi numisa kaga nakae.
- b Isi 40:3; Sak 2:1-2; Nuw 21:15.
- c Luk 21:24.
- d Dan 7:25, 12:7.
- e Sak 4:1-14.
- f 1To 17:1.
- g Tat 7:17-19.
- h 1Sa 4:8.
- i Luk 8:31; Rom 10:7; Nuw 9:11, 17:8, 20:1,3.
- j Dan 7:21.
- k Ais 1:9-10.
- l Nuw 5:9, 7:9, 13:7, 14:6, 17:15.
- m Ivaliwogedi: Neta tomota gamodi igoyo tokámasa yaina, e wowona geya sivaliwogeyeta.
- n Isi 37:10.
- o 2To 2:11.
- p Nuw 6:12, 11:19, 16:18.
- q Tomoya mana Vadámana: Ida Tomoya moe Yaubada go, ana Vadámana moe Yeisu.
- r Tat 15:18; Dan 2:44, 7:14,27.
- s Tat 3:14; Nuw 1:4,8, 4:8, 16:5.
- t Sam 2:1.
- u Sam 110:5.
- v Sam 115:13.
- w Ina kanasíuna dedeogaina: Tateta 24 be nakae 25:10-22 goi dedeogayana yoina aba vatulúkwana dedeogaina.
- x Nuw 4:5, 8:5, 16:18.
- y Nuw 8:7, 16:21.