IYONA 2

Iyona ina kawanoi

1 E tuwo Iyonayana íyana sinaena goi ikawanoi Yauwe ina Yaubada yaina 2 idigo kana,

‘Guna kategeda goi Yauwe atumadadem,

e kukatumapugu.[a]

Same 120:1

Ámasa dadavina goi apodeda vaita manuna,

e guna kawanoi kunove.[b]

3 Boi kulavegu asou ana dimówana tututu goi,

e négwasa ilataoigu

be nakae im kaivaya gagaidi sikautumgu.[c]

4 Tuwo yau guna nuwonúwana kagu,

“Matam goi bogina kuvatapiyegu.”[d]

Go tuwo nava bei im Vada Kimaasabaina[e] agitemnei.

5 Asou négwasa ituko ima nukotogu goi,[f]

nakae dimówana ilataoigu,

e dodouna dabagu ipaimi.

6 Asou ana niku unana toina goi.

Ana kaigigita aliupa ikaaiyaka ikaubodegu,

tauna deri nakae akaaiyaka.

Go Yauwe, guna Yaubada,

ámasa goi ma yawoigu kwabimneigu.[g]

7 E guna lotówana alotowo bego akámasa go,

Yauwe anuwookavate.

Tuwo akawanoiyem,

e guna kawanoiyana ituko iwo

im Vada Kimaasabaina[h] goi kunovegu.[i]

8 Avatauwa neta siinumisa tokwalu

geya basabasaidimo yaidi goi,

e Yauwe ina lokata geya sibabaneyeta.[j]

9 Go yau sem magu vesi kaauyaguna

bei yoguyogu akasale kom yaim.

Kaga boi akaatotuli moitamo nakae bei aguinuwe.[k]

¡Ada yava Yauwe goi ima!’

Same 3:8

10 E iyanayana kina Yauwe ilovinae Iyona ilagobe. Tuwo moitamo ilagobe ina mamaya goi itowo.