Iyona Iyona tetelina Livala Aba Vaita Iyona moe buki ainimaina buki Tuwero‡Tuwero: Oseya Livala Aba Vaita kugite. goi. Iyona Yaubada ina tokabivalavala tayamo. Nakona ikaaiyaka tutayana Yeroboam iilovina. Yereboamyana ina lovina moe tala 793 ina 753 Yeisu nava geya imaita. Ame bukiyana ina vatulúkwana ame nakae: Yaubada tomota liliuda imatakoiyeda. Aiyuwoina geya itoboinedeta Yauwe yaina tasiya. Aitonina buki ame Yaubada ina kanuwóiya tagite. Neta ida sinapu goyogoyoidi tatugaviledi, e Yaubada ina egamogamogu goi itugavila be nakae ikanuwoiyeda. Yaubadayana Iyona ilatuwoko ina Ninivei go, ina livala ikapipilave. Bego isiya ina ituli ta kasa go, Yaubada íyana tayamo gagaina ietune ina Iyonayana itono, e gamona goi tauyana ikawanoi. Tauna Iyona ina livala Yaubada inove, tuwo itagona bego aiyuwoina ina livalayana ina Iyona yaina. E Iyona moitamo ina go, Yaubadayana ina kanuwóiya tupwana geya iyagoiyeta. Tauyana latuwona bego Yaubada da Ninivei idi goyo pasidi ikaumatedi. Tauna gamona igoyo tutayana Tauyana ikanuwoiyedi. Tuwo Yaubada itagona bego yaguyaguma tayamo itabo go, moe bego ina kanuwóiya Iyona ivatuluko. Tétala Luluna 1. Iyona Yauwe yaina isiyasiya tetelina 1:1-17 2. Iyona ina kawanoi 2:1-10 3. Yaubada sivayuwoina Iyona iiduduwe tetelina 3:1-4 4. Da Ninivei Yaubada ina livala sinove siinumise tetelina 3:5-10 5. Iyona ina egamogamogu go, Yaubada ina kanuwóiya tetelina 4:1-11
1Iyona Yauwe yaina isiyasiya tetelina 1 Tétala ame Amitai natuna Iyona‡Iyona: Ame youyana ana yagoina moe bunabuna.†2To 14:25. tetelina. E tuta tayamo Yauwe ina livala ina Iyonayana yaina idigo kana, 2 ‘Iyona, Ninivei asa gagaina go, da Ninivei idi goyo yau matagu goi ivakaigaga toina, tauna kutāoya, woilīm kūna asayana goi kuliwolēdi.’ 3 Go kina Iyonayana itaoya bego Yauwe yaina goi isiya ina Tasisi. Mainao isou iiwo ina Yopa goi oga tayamo ibabane bei ikailova ina Tasisi.‡Tasisi: Ame asa tayamo ikaaiyaka kantri yoina Spain sinaena. Tuwo iemáisa ikavava, isowoya taiyao bei sina amoko goi isou Yauweyana yaina isiya. 4 E isowoya ikavava, sikailova sinonoina. E kina go Yauweyana yágira gagaina ibisilave isou ina oga isanabode. Tuwo yailúwasa itowo nakae aivaya sisowóduwo, e ana kaigigita bei oga sikauvisivisi. 5 Tuwo gelugelu simatoita gagaina, e tamo tamo sipodeda toinidi idi yaubadayao yaidi, sidigo kadi, ‘¡Oiyoi, kovaitēma!’ Siipodeda, geya, tuwo kónana sisavedi sisou négwasa goi bego oga ikakapu. Ego kina Iyonayana bogina isou ina oga sinaena goi iimasisi, ikanamatáiya toina. 6 Tuwo kapiteni isou ima Iyonayana iwoini, idigo kana, ‘¡Iyaa! ¿Kom kaga kumasisiye? ¡Kutāoya! ¡Kupodēda im yaubada yaina! Nakona moe yaubadayana bei inoveda, e geya tavailaita.’7 E gelugeluyadi aditava sibobóbwara, sidigo kadi,
‘Aba yagoina taodūgu bei taayagoi avatau ina puwoya, tauna vailai ame tababane.’ Tuwo moitamo, aba yagoinayana siiwodugu moe tomota sikatuyaividi. Idi katuyaivayana goi Iyona yoina isowóduwo. 8 Tuwo tauyana silumadade sidigo kadi, ‘¿Kulatuwokōima avatau ina puwoya, tauna vailai ame tababane? ¿Im paisewa kaga goi kwaaiyaka? ¿Kom nako korotoim? ¿Im bodao avatauwa?’ 9 ‘Yau Iberiu. Yauwe, Tauyana Yaubada totobukukui yábana goi négwasa be poyapoya imadagidi; moe Tauyana ataaimamine’, Iyonayana kaena. 10 Tuwaina tauyana kana, ‘Ame Yauweyana yaina goi asiya.’ Tuwo tauyadi simatoita gagaina, tauna sidigo kadi, ‘¿Go kom kaga kuguinuwe bego kusiya?’11 Iyonayana bego ikatumapu go, aivaya ivaituwe gagaina, tuwo kidi sidigo kadi,
‘¿Kaga kaguinuwe yaim bego ikadaúmwara?’ 12 Tauyana idigo kana, ‘Bogina aayagoi bego yau guna puwoya vailai ame tababane. Tauna kokabīgu go, kolavēgu asou négwasa goi bei ikadaúmwara.’13 E kidi gelugeluyadi geya sikabiyeta, go sem oga sibeusikone; latuwodi bego siyava sina mamaya go, aivaya ivaituwe gagaina toina, tauna geya adi kaipatamo. 14 Tuwo kidi sipodeda Yauwe yaina, sidigo kadi,
‘O Yauwe, kakawanoiyem, ame korotoyana bei kakaumate go, ina kámasa pasina taabu kutaagonēma kavaailai. Nakae taabu kam, “Komi imi puwoya koroto dedevina ame ikámasa.” Kom, Yauwe, moe im guinuwa toinim kuguinuwe nakae latuwom.’15 E Iyonayana sikabi, silave isou ina négwasa goi, e yailuwasayana mainao ikadaúmwara. 16 Tuwo Yauwe simatoite gagaina toina, tuwo sikatótula be nakae yoguyogu sikasaledokoidi Yauwe yaina, e sivakasavedi.
17 E Iyonayana isou ina négwasa goi go, Yauwe íyana tayamo gagaina ietune ina tauyana itono. Tuwo iyanayana sinaena†Mad 12:38-45, 16:1-4; Luk 11:29. goi ikaaiyaka maliyalina aito be sabamgo aito.
IYONA 2 ->
7 E gelugeluyadi aditava sibobóbwara, sidigo kadi,
11 Iyonayana bego ikatumapu go, aivaya ivaituwe gagaina, tuwo kidi sidigo kadi,
13 E kidi gelugeluyadi geya sikabiyeta, go sem oga sibeusikone; latuwodi bego siyava sina mamaya go, aivaya ivaituwe gagaina toina, tauna geya adi kaipatamo. 14 Tuwo kidi sipodeda Yauwe yaina, sidigo kadi,
15 E Iyonayana sikabi, silave isou ina négwasa goi, e yailuwasayana mainao ikadaúmwara. 16 Tuwo Yauwe simatoite gagaina toina, tuwo sikatótula be nakae yoguyogu sikasaledokoidi Yauwe yaina, e sivakasavedi.
17 E Iyonayana isou ina négwasa goi go, Yauwe íyana tayamo gagaina ietune ina tauyana itono. Tuwo iyanayana sinaena†Mad 12:38-45, 16:1-4; Luk 11:29. goi ikaaiyaka maliyalina aito be sabamgo aito.
IYONA 2 ->