1 Moeko goi yábana be poyapoya be nakae kaga liliuna adi madágina bogina ikavava. 2 Tuwo maliyalina ainima tayamoina goi Yaubada ina paisewa ilukavavedi go, maliyalina ainima aiyuwoina ina paisewa madabokina goi iwaiwasi.[a] 3 Ago maliyalinayana ikaipakuye sowona be nakae ikimasabe toinina umana unana ina paisewa madabokina bogina ikavava, e maliyalinayana goi iwaiwasi. Tauna ikaipakuye be ikimasabe.
Yaubada ina madágina goi tetelina
be nakae adi lovina tetelidi
5 E Yauwe Yaubada kúwana nava geya ietuneyeta poyapoya goi be nakae geya tayaamo avatau ikaaiyaka bei ibágula, tauna náuna poyapoyayana goi nava geya sisowoduwoita nakae geya kada tayaamo kutukutu itabo geya. 6 Kúwana geya go, bwae doelu[b] goi ituko imamaima bei poyapoya ana madabokina ivakaanapoive. 7 E amo tutayana Yauwe Yaubada poyapoya kaukauna ikabi, koroto imolului. Imolului ikavava, kubuna goi yawoina isalauwe, e korotoyana maa yawoina.[c] 8 E Yauwe Yaubada alova tanuina tayamo Ideni[d] goi ikatubayasi, moe bomatu dadavina. Amoko goi korotoyana bogina iiwodugu iyato. 9 Iyato go, alova liliudi neta adi kaigigita dedevidi be nakae keuwoidi adi káika dedevidi ilovinaedi poyapoya goi sitabo. Ego tanuwoyana nauyayanaina goi alova aiyuwo sikaaiyaka, tayamo neta tomota sikani, e yawoidi vata sibabane. Ago tayamo neta tomota sikani, e dedevina be goyo adi nanamsa siyagoidi.[e]
10 E sákala tayamo Ideni goi idaudau tanuwoyana ivakaanapoive. Sakalayana Ideni goi isowóduwo iwotai, e sákala aivasi sidau. 11 Sákala tayamo yoina Paisoni idau ina asa Kevila idaunibisi go, amoko goi goura ikaaiyaka. 12 Amo asayana ana goura moe dedevina toina. Pútuma dedevina toina yoina bidelium be nakae gurewa maisana gagaina yoina anikisi nakae sikaaiyaka. 13 Sákala aiyuwoina yoina Gikoni. Ame sakalayana asa Kosa idaunibisi. 14 Sákala aitonina yoina Tigirisi. Ame sakalayana asa Asiriya bomatu dadavina goi idau. Sákala aivasina yoina Yuparetisi.
15 E korotoyana kina Yauwe Yaubada ikabi, tánuwo Ideni goi iyato bei ipaaisewa Yaubada umana be nakae tanuwoyana imataakavate.[f] 16 Iyato ikavava, ina lovina ivini idigo kana,
18 E Yauwe Yaubada idigo kana,
- a Tat 20:11; Ibe 4:4,10.
- b Bwae doelu: Ame livalayana Isileli tubunao niyadi goi geya imavadeta. Nakona ame bwae doelu goi isowóduwo. Go aiyuwoina nakona ame númla sigugumina.
- c 1Ko 15:45.
- d Ideni: Ame youyana ana yagoina moe uyáwana.
- e Nuw 2:7, 22:2,14.
- f Yoy 3:7-8, 8:26, 18:15-16.
- g Silalumina tayamo: Ame livalayana Isileli tubunao niyadi goi geya imavadeta. Nakona ame korotoyana kivilina Yaubada ikabi go, aiyuwoina nakona ame koroto silalumina.
- h Vavina: Isileli tubunao niyadi goi vavina moe isa go, koroto moe is, tauna adi taiyakeka tupwana nakae.
- i Mad 19:5; Mak 10:7-8; 1Ko 6:16; Epe 5:31.