8 E tuwaina latuwogu komi koroto imi tugúguna liliudi goi neta nimami kokatulagasidi bego kokawanoi, e nimami maavadaidi. Nakae geya imi egamogamogumo be geya imi kaumakimakimo geya.
9 Kidi go vevina nakae; latuwogu adi kwama nakae vevina todedevidi siilosidi nakae. Adi kwamayadi aba wowoina go, idi losinayana goi idi sinapu sikabikuunuīdi. Nakae adi pasapasa geya kunudi mana goura metametaina o pasapasa esaesa o adi kwama esaesa geya, govila bei Yeisu ana totugugunayao nuwodi sikobaledi.[b] 10 Go sem latuwogu idi guinuwa dedevidi goi sipasa nakae vevina itoboinedi neta Yaubada yaina sikaasaledi.
11 Vevinayadi imi tugúguna goi madi tugau be madi katetagona vatulúkwana dedevina sikabikābi. 12 E vevina geya atagonedita sivatulúkwana, e nakae geya atagonedita koroto sikabikunuidi, go sem madi tugau sikaaiyaka. 13 Guna nuwonúwana ame nakae: Moe Adama Yaubada boi igimimodugu namliyeta baige Ivi.[c] 14 Nakae Kaleya Adama geya ikatubauyeta, go sem Ivi ikatubau, tauna Iviyana ietokapipilova.[d] 15 Go ina venátuna goi Yaubada bei iyave. Moeko goi vevina liliudi itoboinedi adi yava sibabane neta madi numisa be madi matakoi be kimaasabaidi Yaubada umana go, idi sinapu sikabikunuidi.[e]
<- 1 TIMOTI 11 TIMOTI 3 ->- a Gui 9:15; Epe 3:7-8; 2Ti 1:11.
- b 1Pi 3:3.
- c Abv 2:7,21-23; 1Ko 11:8.
- d Abv 3:1-7,13; 2Ko 11:3.
- e Ame tomwanayana geya imavadeta da Giriki niyadi. Tauyadi niyadi kadi, ‘Ego ina venátuna goi ana yava bei ibabane neta madi numisa be madi matakoi be madi sinapu dedevina.’ Itoboineda ame tataligei ame nakae: (1) Paulo nava Ivi idigedige. Tauyana igimigoyo go, venátuna goi Yaubada bei iyave. Venátuna ana yagoina ameko moe Yeisu ina bíbina. (2) Ame tomwanayana ivatulúkwana bego vevina itoboinedi idi paisewa siuyaone unana moe Yaubada ivinidi. Venátuna ana yagoina moe aba gita idi paisewa liliuna manuna.